
Li gelek bajaran serdegirtinên malan: 22 kes hatin binçavkirin 

2023-05-24 09:46:09


	&nbsp;

	NAVENDA NÛÇEYAN -&nbsp;Di encama serdegirtinên malan ên li Mêrdîn, Manîsa, Dîlok û Şirnexê de 22 kes hatin binaçvkirin.&nbsp;

	&nbsp;

	Polîsan di danê sibehê de li navçeya Artuklu û Kerboranê yên Mêrdînê, Manîsa, Dîlok û li navçeya Hezexa Şirnexê bi ser gelek malan de girt. Di encama serdegirtinên malan de 22 kes hatin binçavkirin.&nbsp;

	&nbsp;

	Di encama serdegirtinên malan ên li Taxa Saraçoglû ya Artukluyê de ji heman malê xwişk û birayên hev Ramazan, Agît û Heja Kalkan û xwişkên Hîvîdar û Berîvan Taş binçav kirin. Her wiha Firat Akar û Rojhat Altaş jî li navçeya Artukluyê hatin binçavkirin. Hat zanîn ku ciwan, di çarçoveya lêpirsîna Serdozgeriya Komarê ya Amedê ya derheqê kongreya Meclisa Ciwanan a Partiya Demokratîk a Gelan (HDP) de hatine binçavkirin. Hat diyarkirin ku kesên binçavkirî dê derbasî Amedê bên kirin.&nbsp;

	&nbsp;

	Merve Oguz û keseka/î navê wê nehat zanîn jî li navçeya Kerboranê hatin binçavkirin. Hat zanîn ku ev kes jî ji ber lêpirsîneke ji hêla Serdozgeriya Komarê ya Mêrdînê ve hatiye destpêkirin hatine binçavkirin.&nbsp;

	&nbsp;

	Duh jî di çarçoveya lêpirsîneke cuda de li Mêrdînê 17 kes hatibûn binçavkirin û îfadeyên wan ên li cendirmeyan didome.&nbsp;

	&nbsp;

	LI HEZEXÊ 6 KES HATIN BINÇAVKIRIN

	&nbsp;

	Di encama serdegirtinên malan ên li navçeya Hezex a Şirnexê de jî welatiyên bi navên Civan Karavîş, Umît Geçgel, Yûsûf Kargol, Mûrat Kavçîn, Emrûllah Kavçîn û Rojhat Pîşkîn hatin binçavkirin. Hat zanîn ku ciwanên binçavkirî birin midûriyeta emniyetê û sedema binçavkirina wan nehat zanîn.&nbsp;

	&nbsp;

	Tê gotin ku dibe hejmara binçavkiriyên li seranserî bajar zêdetir bibin.&nbsp;

	&nbsp;

	RÊVEBERÊN PARTIYA ÇEPÊN KESK HATIN BINÇAVKIRIN

	&nbsp;

	Di danê sibehê de polîsan li Manîsayê bi ser malên endam û rêveberên Partiya Çepên Kesk de girtin. Di encama serdegirtinên malan ên li navçeya Saruhanliyê de rêvebera Partiya Çepên Kesk a navçeyê Gulsum Tozan û namzeta parlamenteriyê ya Partiya Çepên Kesk a Manîsayê Ayşe Karagoz hatin binçavkirin. Li navçeya Yunusemreyê jî keça Hevberdevka Partiya Çepên Kesk a Manîsayê Hasret Çetîn a bi navê Kardelen Çetîn hate binçavkirin.&nbsp;

	&nbsp;

	Binçavkirin di çarçoveya lêpirsîna Serdozgeriya Komarê ya Manîsayê de hatine kirin û welatî niha li Midûriyeta Emniyetê ya Manîsayê tên ragirtin.&nbsp;

	&nbsp;

	LI DÎLOKÊ 4 KES HATIN BINÇAVKIRIN

	&nbsp;

	Di 25’ê nîsanê di çarçoveya lêpirsîna navenda wê Amedê de li 21 bajaran bi ser gelek malan de hatibû girtin. Di çarçoveya heman lêpirsînê de îro li Dîlokê bi ser malên 4 kesan de hate girtin. Di encama serdegirtinan de endamê Meclisa Ciwanan a Partiya Çepên Kesk ê Dîlokê Abdurrahman Elmas û kesên bi navên Cengîz Uslu, Mûrat Basût û Bayram Ayhan hatin binçavkirin.&nbsp;

	&nbsp;

	Kesên hatin binçavkirin birin Midûriyeta Emniyetê ya Dîlokê.&nbsp;