
Bajar û navçeyên ku Partiya Çepên Kesk herî zêde deng lê girtî 

2023-05-17 11:23:29


	&nbsp;

	NAVENDA NÛÇEYAN - Li gorî encamên nefermî, Partiya Çepên Kesk weke bajar herî zêde li Şirnexê deng stand û ji navçeyan jî herî zêde li Gimgimê deng stand.&nbsp;

	&nbsp;

	Partiya Çepên Kesk li gorî encamên nefermî, li bajarên Colemêrg, Wan, Qers, Îdir, Agirî, Şirnex, Bedlîs, Mûş, Êlih, Dêrsim, Amed, Mêrdîn û Sêrtê bû partiya yekemîn. Piştî îtîrazên li lijneyên hilbijartinê yên bajar û navçeyan, dengên Partiya Çelên Kesk gihişt 4 milyon û 803 hezar û 794’an rêjeya wê jî ji sedî 8,82 zêde bû. Li gorî encamên nefermî yên Lijneya Bilind a Hilbijartinê (YSK) jî 61 parlamenter derxist.&nbsp;

	&nbsp;

	Tifaqa Ked û Azadiyê ku Partiya Çepên Kesk jî pêkhateyeke wê ye, piştî îtîrazên dawî dengên xwe derxist 5 milyon û 744 hezar û 24 dengan û rêjeya dengên wê derket ji sedî 10,55. Partiya Karkeran a Tirkiyeyê (TÎP) u pêkhateya tifaqê ye, 4 parlamenter derxist. Bi vê yekê re hejmar parlamenterên tifaqê derket 65’an.&nbsp;

	&nbsp;

	Li gorî encamên nefermî; Partiya Çepên Kesk di asta bajaran de herî zêde li Şirnexê deng derxist û di asta navçeyan de jî herî zêde li Gimgimê deng wegirt.&nbsp;

	&nbsp;

	Bajarên ku Partiya Çepên Kesk rêjeyeke zêde ya dengan lê bi dest xistî wiha ne:&nbsp;

	&nbsp;

	* Şirnex: % 64,43

	* Colemêrg: % 64,10

	* Amed: % 62,60

	* Êlih: % 59,29

	* Mêrdîn: % 56,12

	* Agirî: % 55,92

	* Wan: %54,27

	* Mûş: % 51,50

	&nbsp;

	Navçeyên ku Partiya Çepên Kesk rêjeyeke bilind a dengan lê bi dest xistî wiha ne:&nbsp;

	&nbsp;

	* Gimgim: % 82,58

	* Licê: % 78,32

	* Nisêbîn: % 77,90

	* Karaz: % 77,64

	* Cizîr: % 76,76

	* Kop: % 74,86

	* Milazgir: % 74,69

	* Qelqelî: % 74,57

	* Dîgor: % 74,43

	* Bazîd: % 74,18

	* Gever: % 73,23

	* Farqîn: %72,56

	* Dêrik: % 72,45

	* Bismil: % 72,41

	* Elbak: % 70,03

	&nbsp;