
Şaredarê AKP’î îcar jî li edliyeyê rageşî derxist 

2023-05-14 23:50:20


	&nbsp;

	MÊRSÎN - Şaredarê AKP’î yê navçeya Akdenîzê Mûstafa Muhammet Gultak ku bi parastvanên xwe yên çekdar li ser sindoqan digere, îcar jî li edliyeyê rageşî derxist.&nbsp;

	&nbsp;

	Piştî ku li Mêrsînê karûbarê dengdayînê dest pê kirî, Şaredarê Akdenîz a Mêrsînê yê AKP’î Mûstafa Muhammet &nbsp;Gultak tevî 30 parastvanên xwe yên çekdar li dibistanan geriya. Gultak, îcar jî li Edliyeya Mêrsînê ku deng lê tên hejmartin derket holê. Gultak û parastvanên xwe hatin edliyeyê û bi kesên di Lijneya Hilbijartinê ya Navçeya Akdenîzê de, peywirdarên partiyên siyasî yên ji bo îtîrazê xwedî raye, parêzer û dadgeran re ketin nava nîqaşê. Gultak, îdia kir ku ji lijneya hilbijartinê ya partiya wan tu kes li wir nîne û hewl da rageşiyê derxîne. &nbsp;

	Lê rayedarên partiyên siyasî yên din aram tevgeriyan û rê li ber provakasyona Gultak girtin.&nbsp;

	&nbsp;