
Li Stenbolê 5 hezar parêzer û ekîba gerokOHD: Roja hilbijartinê hezar û 600 parêzer li 81 bajaran dê bixebitin 

2023-05-12 10:00:51


	&nbsp;

	STENBOL - Ji Koordînasyona Hilbijartinê ya Stenbolê Zeynep Çelîk diyar kir ku wê 5 hezar parêzer û ekîba gerok roja roja hilbijartinê dê li hemû dibistanan li ser sindoqan bin. Hevserokên Giştî yên OHD’ê Serhat Çakmak û Ekîn Yeter jî gotin dê roja hilbijartinê hezar û 600 parêzer li qadê bin.&nbsp;

	&nbsp;

	Li bajarên bakurê Kurdistanê û Tirkiyeyê 14’ê Gulanê hilbijartinek krîtîk ya dîrokî dê bê kirin. Bi deh milyonan hilbijêr wê biçin ser sindoqan û dengê xwe bikar bînin. Bajarê herî qelebalix û hilbijêrên wê pir in Stenbol e. Wê li Stenbolê 30 hezar û 803 sindoq li dibistanan bên danîn û 11 milyon û 350 hezar û 969 hilbijêr deng bi kar bînin. Di çarçoveya amadekariyên hilbijartinê de 5’ê gulanê Koordînasyona Hilbijartinê ya Stenbolê hat avakirin. Koordînasyon ji aliyê Tifaqa Ked û Azadiyê, Yekitiya Hêza Sosyalîst û Halkevlerî ve hat damezrandin. Wê ev koordînasyon li 39 navçeyên Stenbolê ji bo ewlehiya hilbijartinê kar bike û rê li ber binpêkirinên mafan bigire. Beriya hilbijartinê li 39 navçeyan perwerdehî dan parêzerên dilxwaz û muşahîdan.&nbsp;

	&nbsp;

	DÊ 5 HEZAR PARÊZER LI QADÊ BIN&nbsp;

	&nbsp;

	Ji Koordînasyona Hilbijartinê ya Stenbolê Zeynep Çelîk diyar kir ku li Stenbolê bi zêdeyî 5 hezar parêzer, ekîbên gerok û navenda kordînasyona krîzê ji hilbijartinê re amade ne. Çelîk da zanîn ku ew ê di roja hilbijartinê de li ser erka xwe bin û di parastina sindoqan de beriya her tiştî bikaranîna dengan tê. Çelîk anî ziman ku yên ku navnîşana xwe ranegihandine dikarin li navnîşana xwe ya berê dengên xwe bikar bînin.&nbsp;

	&nbsp;

	WÊ LI STENBOLÊ PARÊZER LI HEMÛ DIBISTANAN AMADE BIN&nbsp;

	&nbsp;

	Çelîk da zanîn ku komîsyonek ji hiqûqzanan pêk tê hatiye avakirin û wê parêzer li hemû dibistanên Stenbolê li ser sindoqan wezîfeyê bikin. Çelîk anî ziman ku wê parêzer, muşahîdên dibistanan û wezîfedaran sindoqan û her wiha ekîbek gerok dê roja hilbijartinê bixebitn da ku hilbijartin bi selametî derbas bibe. Çelîk bang li hilbijêran kir ku roja hilbijartinê li dijî her cûre hîleyan hişyar bin û got: “Hilbijartinek krîtîk e. Çimkî 20 saniyeyê em ê winda bikin jî nîne. Êdî bes e. Ji ber vê yekê em bang li her kesî dikin ku wê rojê dengê xwe bidin, li dijî bêhiqûqiyên ku dê çêbibin têbikoşin û çav û guhên wan li ser sindoqan bin. Bi taybetî ez bang li her kesî dikim ku guh bidin bangên koordînasyona ewlehiya hilbijartinê û parastina sindoqan bikin. Em xwedî li sindoqan derkevin.”&nbsp;

	&nbsp;

	OHD: HEZAR Û 600 PARÊZER DÊ LI QADAN BIN&nbsp;

	&nbsp;

	Komeleya Hiqûqnasên ji bo Azadiyê (OHD) dê roja hilbijartinê li bakurê Kurdistanê û Tirkiyeyê bi hezar û 600 parêzeran li qadê bin û hewl bide parastina sindoqan û ewlehiya hilbijartinê bike. OHD’ê ragihand ew ê li 81 bajaran bi hezar û 600 parêzeran li qadê bixebitin. Hevserokên Giştî yên OHD’ê Serhat Çakmak û Ekîn Yeter ji ajansa me re axivîn û bal kişandin ser ewlehiya hilbijartin û bang li her kesî kirin ku sinoqan biparêzin. Hevserokan da zanîn ku ew ê hevalên wan parêzer li dijî binpêkirinên mafên hilbijartinê amade bin û mudaxileyî binpêkirinan bikin û çavdêriyan dê bikin.&nbsp;

	&nbsp;

	&nbsp;