
Doza derheqê 42 kesên kesên tev li meşê bûn hatibû vekirin hate lidarxistin 

2023-05-11 16:29:21


	&nbsp;

	ENQERE – Bi hinceta ku tev li Meşa Rûmetê bûne, derheqê 42 kesan de doz hatibû vekirin û danişîna ewil a dozê hate lidarxistin.&nbsp;

	&nbsp;

	Bi hinceta ku tev li 2’yemîn Meşa Rûmetê ya Enqereyê bûne, derheqê 42 kesan de bi hincetên “Muxalefeta li dijî Qanûna hejmar 2911 a Qanûna Civîn û Xwepêşandanan” û “Ji bo nehêlin peywirdar karê xwe bikin li ber xwe dane” doz hatibû vekirin. Danişîna ewil a dozê li 52’yemîn Dadgeha Giştî ya Enqereyê hate lidarxistin. Ji 42 kesan bi giştî 31 kes û parêzerên wan di danişînê de amade bûn.&nbsp;

	&nbsp;

	POLÎS JI EYWANÊ HATIN DERXISTIN

	&nbsp;

	Di dema tespîtkirina nasnameyan de deriyê eywanê vekirî bû û hêzên ewlekariyê diketin eywanê û derdiketin. Parêzer li dijî vê derketin û gotin; “Ev kes bi çekên xwe dikevin eywanê û dibe ku di danişînên pêş de weke şahid lê were guhdarîkirin.” Li ser vê yekê polîs ji eywanê hatin derxistin.&nbsp;

	&nbsp;

	TAWANBARÎ HATIN REDKIRIN&nbsp;

	&nbsp;

	Kesên dihatin darizandin diyar kirin ku mafên xwe yên qanûnî bi kar anîne, xwestine meşeke aştiyane li dar bixin lê polîsan ew bi îşkenceyê binçav kirine û tawanbarî red kirin. Bersûcan da zanîn ku polîsan ew ji pişt ve kelemçe kirine, bi saetan wisa mane û diyar kirin ku divê ew polîs bên darizandin.&nbsp;

	&nbsp;&nbsp;

	Dadgehê, danişîna dozê taloqî 22’yê hezîranê kir.&nbsp;

	&nbsp;