
Bûldan: AKP wê biqede û Erdogan jî wê têk biçe

2023-05-06 15:42:59


	ANTALYA -&nbsp;Hevseroka Giştî ya HDP’ê li Antalyayê xîtabî bi hezaran kes kir û got: “Em ê carek din destûr nedin ku diz û talanker bi ser bikevin. Em ê AKP’ê û Erdogan bişînin.”&nbsp;

	Partiya Çepên Kesk li Antalyayê li ber Eywana Sporê ya Tûrgût Ozal mitîng li dar xist. Hevseroka Giştî ya Partiya Demokratîk a Gelan (HDP) Pervîn Bûldan, Serokwekîlê Koma HDP’ê û namzetê parlamenteriyê yê Partiya Çepên Kesk ê Antalyayê Sarûhan Olûç beşdarî mitîngê bûn.&nbsp;

	&nbsp;

	Tevî barana zêde jî bi hezaran kesan qada mitîngê tije kirin. Qad bi alên Partiya Çepên Kesk hat xemilandin. Di mitîngê de bênavber dirûşm hatin berzkirin û pankart û dovîz hatin hildan.&nbsp;

	&nbsp;

	Mitîngê bi rêzgirtinê dest pê kir. Namzet û hevberdevkên Partiya Çepên Kesk ên Antalyayê derketin ser dikê û gel silav kirin.&nbsp;

	&nbsp;

	‘MOHRA XWE LI BINÊ DARÊ BIDIN’

	&nbsp;

	Hevseroka Giştî ya HDP’ê Pervîn Bûldan xîtabî gel kir û wiha axivî:

	&nbsp;

	“Di hilbijartinên 14’ê Gulanê de berpirsiyarek mezin dikeve ser milê her kesî. Em ê carek din destûr nedin ku diz û talanker bi ser bikevin. Em ê AKP’ê û Erdogan bişînin. Dirûşma wan dibêje, ‘Dema rast, zilamê rast’. Em jî dibêjin dem rast e lê zilam xelet e. Wê ev zilam têk here û AKP bi qede. Ji bo AKP têk here divê her kes mohra xwe li binê Partiya Çepên Kesk bide û van zaliman bişîne. Divê herî kêm em du parlamenteran ji vî bajarî bişînin Meclisê. Gotin jî û mohr jî ya we ye. Divê Antalya destûr nede ku Erdogan were bijartin. Rêya we û rêya me vekirî be. Ez ji me hemûyan re serkeftinê dixwazim. Nexasim ez ji Antalyayê re serkeftin dixwazim. Em vê mitîngê qebûl nakin, em ê carek din ji bo pîrozbahiyê werin vir. Teqez em ê bi ser bikevin.”

	&nbsp;

	Piştî axaftina Bûldan Jin Ma derket ser dikê û mitîng li ber stranên komê bi dawî bû.&nbsp;

	&nbsp;