
Li dijî Partîzanê operasyon: Rojnamegerek jî di nav de 9 kes hatin binçavkirin 

2023-05-06 09:36:06


	&nbsp;

	DÊRSIM - Di encama operasyona li dijî xwînerên Partîzanê de rojnameger Ertan Çita jî di nav de herî kêm 9 kes hatin binçavkirin.&nbsp;

	&nbsp;

	Îro di danê sibehê de polîsan li Dêrsim, Stenbol û Hatayê bi ser gelek malan de girtin. Polîsan her wiha bi ser bûroya Rojnameya Yenî Demokrasiyê ya Dêrsimê de jî girtin. Di serdegirtinê de arşîvên rojnameyê yên li bûroyê û pirtûk hatin desteserkirin. Di encama serdegirtinên malan ên li Dêrsimê de nûçegihanê Yenî Demokrasiyê Ertan Çita û Hidir Guler hatin binçavkirin.&nbsp;

	&nbsp;

	Li gorî nûçeya rojnameya Yenî Demokrasiyê, li 3 bajaran li dijî xwînerên Partîzanê operasyon hatiye kirin û di serdegirtinan de herî kêm 9 kes hatine binçavkirin. Hat zanîn ku derheqê gelek kesan de biryara girtinê hatiye dayîn. Hat ragihandin ku kesên li Dêrsimê hatin binçavkirin dê bibin Stenbolê.&nbsp;

	&nbsp;

	Navên hinek kesên hatine binçavkirin wiha ne: “Ertan Çita, Alî Asker Akkoç, Nîhat Konak, Aysel Kaya û Nesîmî Ataş.”&nbsp;

	&nbsp;