Malbata Şenyaşar: Feraseta ku edaletê bi cih naîne dê winda bike 

2023-05-05 13:51:47


	 

	RIHA - Malbata Şenyaşar a Nobeta xwe ya Edaletê didomîne, diyar kir ku feraseta ku edaletê bi cih naîne dê winda bike.  

	 

	Çalakiya Nobeta Edaletê ya Malbata Şenyaşar di 9’ê adara 2021’an de li ber Edliyeya Rihayê daye destpêkirin di roja 774’emîn de berdewam dike. Malbata ku ji mala xwe ya Pirsûsê bi rê ket û hate ber deriyê Edliyeya Rihayê li ber pankarta “Ji bo Malbata Şenyaşar edalet” çalakiya xwe ya nobetê berdewam kir.

	 

	Malbatê li ser hesaba xwe ya medyaya dîjîtal ev peyam parve kir: “774 roj in em li ber deriyê Edliyeya Rihayê li benda edaletê ne. Feraseta ku edaletê bi cih naîne dê winda bike!”