
Ferît Şenyaşar: Em ê bibin dengê 301 madenvanan 

2023-05-01 12:05:45


	RIHA - Ferît Şenyaşar ê di Nobeta xwe ya Edaletê de axivî, wiha got: “Em ê bibin dengê 301 madenvanên li Somayê hatin qetilkirin. Em ê edalet û aramiyê bi hev re bînin Tirkiyeyê.” 

	&nbsp;

	Çalakiya Nobeta Edaletê ya Malbata Şenyaşar di 9’ê Adara 2021’an de li ber Edliyeya Rihayê daye destpêkirin di roja 770’emîn de berdewam dike.&nbsp;

	&nbsp;

	Emîne Şenyaşar û kurê wê Ferît Şenyaşar ên ji mala xwe ya li navçeya Pirsûsê derketin û hatin ber Edliyeya Rihayê li ber pankara “Ji bo Malbata Şenyaşar Edalet” dest bi nobetê kirin. &nbsp;

	&nbsp;

	Ferît Şenyaşar ê di Nobeta Edaletê de axivî: “Îro di heman demê de 1’ê Gulanê Cejna Karker û Kedkaran e. Em ji bo kedkaran jî edaletê dixwazin. Em ê bibin 301 madenvanên li Somayê hatin qetilkirin. Em ê têkoşîna xwe bidomînin. Têkoşîna me roj bi roj zêde dibe û desthilata vê bêedaletiyê û bêhiqûqiyê dike dê biçe. Em ê edalet û aramiyê bi hev re bînin Tirkiyeyê.”

	&nbsp;