
Li Marsîlyayê Mîtînga Partiya Çepên Kesk

2023-04-30 22:47:39


	&nbsp;

	&nbsp;

	&nbsp;

	NAVENDA NÛÇEYAN -Li Marsîlyayê ji bo piştevaniya bi Partiya Çepên Kesk mîtîng hat lidarxistin. Osman Baydemîr di mîtîngê de axivî û got: “Hûn dikarin bi dengek xwe gelek tiştan biguherînin. Hûn dikarin pergala faşîst hilweşînin û hevreyên me yên li girtîgehê azad bikin."

	&nbsp;

	Xebatên hilbijartinê yên Partiya Çepên Kesk li bajarê Marsîlya ê Fransayê bi civînên girseyî, xwepêşandanên konvoyan û serdanan esnafan didomin. Her wiha ji bo kesên ku di xwe gihandina sindoqan de zehmetî dikşînin, wesayîtan dabîn dike.

	&nbsp;

	Îro jî bi beşdariya Hevşaredarê Bajarê Mezin ê Amedê û Parlementerê HDP’ê yê berê Osman Baydemîr mîtînga piştevaniya bi Partiya Çepên Kesk re hat lidarxistin. Salona Arenayê ku mîtîng lê hat lidarxistin, bi al û pankartên Partiya Çepên Kesk hat xemilandin.

	&nbsp;

	Mîtînga ku bi sedan kes tevlî bû, bi deqeyek rêzgirtina ji bo şehîdên şoreşa Kurdistanê dest pê kir.

	&nbsp;

	Hunermendên TEV-ÇAND’ê Mahsûn Sever û Hozan Farûk di mîtîngê de derketin ser dikê. Paşê Siyasetmedar Osman Baydemîr axivî. Baydemîr wiha got: “Hûn dikarin bi dengek xwe gelek tiştan biguherînin. Hûn dikarin pergala faşîst hilweşînin û hevreyên me yên li girtîgehê azad bikin." Baydemîr ji bo têkbirina tifaka faşîst, bang kir ku her kes biçin dengê xwe bidin.”

	&nbsp;

	Mîtîng bi derketina ser dikê ya Pinar Aydin bi dawî bû.

	&nbsp;