
Diya Agît Îpek, Halîse Aksoy jî hat binçavkirin 

2023-04-26 08:56:09


	AMED - Halîse Aksoy a ku cenazeyê lawê wê Agît Îpek di qutiyekê de radestê wê hatibû kirin û keça wê Mizgîn Karataş jî di operasyona duh de hatin binçavkirin.&nbsp;

	Di çarçoveya lêpirsîna ji aliyê Serdozgeriya Komarê ya Amedê ve hatibû destpêkirin duh operasyona ku navenda wê Amed bû û li 21 bajaran hat lidarxistin, rojnamevan, hiqûqzan, siyasetmedar, hunermend û nûnerên rêxistinên sivîl di nav de 126 kes hatin binçavkirin. Di nav binçavkiriyan de Halîse Aksoy ku hestî ango cenazeyê lawê xwe Agît Îpek di qutiyekê de wergirtibû jî heye.&nbsp;

	&nbsp;

	Polîsan bi ser mala Halîse Akosy a li Amedê de girtin. Piştî lêgerîna li malê Aksoy hat binçavkirin û birin Midûriyeta Polîsan a Amedê. Di heman wextê de polîsan avêt ser mala keça Aksoy, Mizgîn Karataş jî. Polîsan li malê lêgerîn pêk anî û piştre Mizgîn Karataş û hevjînê wê Harûn Karataş kirin binçavan. Polîsan zarokê wan 4 salî jî li gel wan birin midûriyeta polîsan. Zarok heta duh heta êvarê li gel diya xwe û bavê xwe bû û êvarê radestî xizmên wan kirin.&nbsp;

	&nbsp;