
Bûldan: Bila ew bitirsin, em pêl bi pêl tên

2023-04-09 19:53:25


	STENBOL - Hevseroka Giştî ya HDP’ê Pervîn Bûldan diyar kir ku ew ê di 14’ê Gulanê de dersa dawî bidin AKP’ê û got: “Bila her bitirsin. Em pêl bi pêl tên.”

	Partiya Çep a Kesk li navçeya Fatîhê ya Stenbolê bi beşdariya Hevseroka Giştî ya HDP’ê Pervîn Bûldan buroya hilbijartinê vekir.&nbsp;

	&nbsp;

	Li ser deriyê buroyê pankarta “Buroya Hilbijartinê ya Aram Tîgran” hat daliqandin. Nûnerên rêxistinên sivîl û partiyên siyasî û gelek welatî tev li vekirina buroyê bûn.

	&nbsp;

	Buro li Taxa Kocamustafapaşa hat vekirin. Welatiyan coş û peroşa xwe nîşan da û govend gerandin û dirûşm berz kirin.&nbsp;

	&nbsp;

	Hevserok Pervîn Bûldan biç epik û berzkirina dirûşmeyan hat pêşwazîkirin.&nbsp;

	&nbsp;

	Rêvebera Navenda Partiya Çep a Kesk Çîgdem Ozbaş ewilî axivî û destnîşan kir ku îktidar dê di 14’ê Gulanê de têk biçe û ew ber bi azadiyê ve dimeşin.&nbsp;

	&nbsp;

	‘HEMÛ RENG DI LÎSTEYA ME DE HENE’&nbsp;

	&nbsp;

	Hevseroka Giştî ya HDP'ê Pervîn Buldan jî diyar kir ku vekirina buroyan civîneke gel a biçûk e û da zanîn ku dê di demên pêş de li Stenbolê mitîngên mezin li dar bixin. Buldan diyar kir ku di van hilbijartinan de bi milyonan kurd, tirk û elewî wê di nava Partiya Çep a Kesk de bibin yek û got: “Çepa Kesk wê bi rêjeya dengê herî zêde ya vê serdemê li Stenbolê bi dest bixe û vê îktidarê bişîne. Divê tu kes di vê yekê de şik û gumana wan nebe. Me soz daye gelê xwe ku em ê vê îktidarê bişînin. Me ji gelê xwe re got ku em we bêçare nînin û em ê we bêçare nehêlin. Li dijî lîstikên AKP’ê em ê bi awayekî herî xurt biçin parlamentoyê. Me îro lîsteyên xwe pêşkêşî Desteya Hilbijartinê ya Bilind kir. Hûn dikarin li vî welatî hemî rengên xwe bibînin, hûn dikarin hemî bawerî û jinan di lîsteyê de bibînin. Di lîsteyê de hûn nasnameyên ku li vî welatî tên cudakirin, paşguhkirin û înkarkirin dibînin. Em partiyek wisa ne. Û loma jî ewqas bilind dibin, ji me ditirsin. Lê bila tirsa wan berdewam bike, pêl bi pêl tên.”&nbsp;

	&nbsp;

	Bûldan pişta axaftina xwe bi jinan re buroya hilbijartinê vekir.&nbsp;

	&nbsp;