Şîna Baysoy bi girseyî hate ziyaretkirin 

2023-04-09 15:10:41


	 

	ŞIRNEX – Şîna endamê HPG’ê Firat Baysoy ku di pêvçûnekî de jiyana xwe ji dest da bû, bi girseyî hate ziyaretkirin. 

	 

	Endamê HPG’ê Firat Baysoy (Tîrêj Botan) di pevçûna 19’ê cotmeha 2020’an a li Herêmên Parastinê yên Medyayê de jiyana xwe ji dest dabû. Malbata Baysoy a li navçeya Cizîr a Şirnexê ji bo kurê xwe şîn danî. Komeke girseyî bi pêşengtiya MEBYA-DER’ê çû serdana şîna Baysoy. Parlamentera HDP’ê ya Şirnexê Nûran Îmîr, endamên û rêveberên rêxistina Partiya Herêmên Demokratîk (DBP), Partiya Demokratîk a Gelen (HDP), aktîvîstên Tevgera Jinên Azad (TJA) û endamên Meclisa Dayikên Aştiyê jî tev li bûn. 

	 

	Di serdanê de Parlamentera HDP’ê Nûran Îmîr axivî. Îmîr, got ku îktîdara heyî bi şer û kuştinê emrê xwe dirêj dike û got ku çareserî ne şer lê aştî ye. 

	 

	Piştî axaftinan, girseyê ji malbatê sersaxî xwest.