
Platforma Jinan a Rihayê bû mêvanê sifreya fitarê ya malbata Şenyaşarê 

2023-04-07 19:43:08


	&nbsp;

	RIHA - &nbsp;Platforma Jinan a Rihayê serdana Nobeda Edaletê ya malbata Şenyaşar kir û li ber edliyeyê bi hev re fitirîn.&nbsp;

	&nbsp;

	Xizm û parazvanên Parlamenterê AKP’ê yê Rihayê Îbrahîm Halîl Yildiz di 14’ê hezîrana 2018’an de li navçeya Pirsûs a Rihayê êrişî malbata Şenyaşarê kir. Di encama êrişê de hevjîn û du kurên Emîne Şenyaşarê hatin qetilkirin. Li ser vê yekê Emîne Şenyaşar û kurê wê Ferît Şenyaşar di 9’ê adara 2021’ê de li pêşiya Edliyeya Rihayê dest bi çalakiya Nobeda Edaletê kirin. Çalakiya Malbata Şenyaşarê di roja 746’an de berdewam dike.

	&nbsp;

	Dayik Emîne Şenyaşar û kurê wê Ferît Şenyaşar îro ji mala xwe ya li navçeya Pirsûsê hatin ber edliyeyê û li ber pankarta ku li ser "Ji bo malbata Şenyaşar edalet" dinivîse çalakiya xwe domandin.&nbsp;

	&nbsp;

	Platforma Jinan a Rihayê li ber edliyeyê serdana Nobeda Edaletê ya malbata Şenyaşarê kir û li vir bi hev re fitirîn.

	&nbsp;

	Endama Jinên TMMOB'ê Elîf Erdem ku li ser navê platformê axivî bi lêv kir ku ew dê li her derê bi malbata Şenyaşarê re bin û got: "EmPlatforma Jinan me serdana Nobeda Edaletê ya malbata Şenyaşarê kir û em li vir dibêjin, em ê her tim bi malbata Şenyaşarê re di nava piştgiriyê de bin."

	&nbsp;