
Di du rojan de 41 êriş hatin kirin  

2023-04-07 15:46:00


	NAVENDA NÛÇEYAN - Dewleta tirk di du rojan de 41 caran bi çekên giran êrişî Herêma Federa ya Kurdistanê kir.&nbsp;

	&nbsp;

	Tevî biryara bêçalakitiyê jî êrişên dewleta tirk ên li dijî Herêma Federe ya Kurdistanê berdewam in. Li gorî nûçeya Ajansa Nûçeyan a Firatê (ANF); HPG’ê da zanîn ku dewleta tirk di nava du rojan de li dijî herêmên wan 41 caran êriş pêk anîn.&nbsp;

	&nbsp;

	HPG’ê da zanîn ku dewleta tirk di 6’ê nîsanê de 8 caran bi balafirên şer êrişî mewziyên li derdora gundê Bêbadê yê Gareyê, quntarên Xêrê û Sîdayê kir. Bi domdarî HPG’ê ragihand ku dewleta tirk di 5-6’ê nîsanê de 33 caran bi helîkopter, obus, tank û çekên giran êrişî Girê Cûdî, Qadên Berxwedanê yên Girê FM, Çemço û Sîdayê kir.&nbsp;

	&nbsp;