
Ji kesên ku li Stenbolê hatin binçavkirin 15 kes hatin berdan 

2023-04-06 20:53:21


	&nbsp;

	STENBOL - Ji kesên ku li Stenbolê binçavkirin, 15 jê hatin berdan û Rêveberê HDP'a Enseyûrtê Sedat Ûgraş jî hat girtin.&nbsp;

	&nbsp;

	Di 3'yê Nîsanê de, di çarçoveya lêpirsîneke Serdozgeriya Komarê ya Stenbolê de endamên Meclisa Ciwanan a Partiya Demokratîk a Gelan (HDP) û xebatkara kovara Modernîteya Demokratîk Semra Korkmaz jî di nav de 16 kes di avêtina ser malan de hatibûn binçavkirin. Kesên hatibûn binçavkirin birin midûriyeta polîsan a li Kolana Vatanê. Hat hînkirin ku kesên hatin binçavkirin bi îdiaya "endamtiya rêxistinê" hatine sûcdarkirin.&nbsp;

	&nbsp;

	Kesên ku duh îfadeya wan hat girtin, di dema îfadeyê de parvekirinên wan ên li ser medyaya sanal, tapeyên telefonê, Tûrnûvaya Fûtbolê ya Kemal Kûrkût ku Meclisa Ciwanan a HDP'ê li dar xistibû hat pirsîn. Kesên binçavkirî îro sewqî Edliyeya Stenbolê ya li Çaglayanê hatin kirin. Dozger 9 kesan bi şertê kontrola edlî berda û Sema Korkmaz jî di nav de 7 kesan jî bi daxwaza girtinê sewqî dadgehê kir.&nbsp;

	&nbsp;

	Sema Korkmaz jî di nav de 6 kes ji aliyê Dadgeriya Ceza ya Sulhê ya 4'an a Stenbolê ve bi şertê kontrola edlî hatin berdan, lê Rêveberê HDP'a Esenyûrtê Sedat Ûgraş hat girtin.&nbsp;

	&nbsp;