
6 kesên beriya Newrozê li Amedê hatibûn binçavkirin hatin berdan  

2023-03-22 14:03:12


	&nbsp;

	AMED - Beriya pîrozbahiya Newrozê, li Amedê ji ber “îxbara” bêbingeh, 6 kes hatibûn binçavkirin û binçavkirî îro hatin berdan.&nbsp;

	&nbsp;

	Li ser “îxbareke” bêbingeh, beriya pîrozbahiya Newrozê li Amedê derheqê 9 kesan de biryara binçavkirinê hatibû dayîn û ji van 6 jê hatibûn binçavkirin. Temamiya binçavkiriyan hatin berdan.&nbsp;

	&nbsp;

	Ji binçavkiriyan siyasetmedarê kurd Mesût Bagcik, Berîvan Kiziltepe, Şurzan Jiyan Pehlîvan, Fermandar Kardeş, Mehmet Ozdemîr û Seyît Remzî Guneş piştî karûbarên îfadegirtinê yên li Midûriyeta Emniyetê hatin berdan.&nbsp;

	&nbsp;

	Hat zanîn ku ji bo Midûriyeta Xizmetên Bangên Lezgîn a 112’ê ya Amedê îxbareke bêbingeh a “Dê di Newrozê de kevir û molotofan biavêjin polîsan” hatiye kirin û bi vê sedemê hatine binçavkirin.&nbsp;

	&nbsp;

	Li gel ku Reşît Nevrozoglû ku derheqê wî de biryara binçavkirinê hebû li malê nebû jî, polîsan qilfeya deriyê mala wî şikand, bêyî destûr were dayîn li malê lêgerîn kirin û piştre jî qilfeya malê guherandin.&nbsp;

	&nbsp;

	Nevrozoglû, got ku polîsan bi vê yekê bêhiqûqî kirine û wiha got: “Nizanim bê ka tiştek ji mala min birine yan na. Tiştek danîne malê yan nedanîne, ez vê jî nizanim.”&nbsp;

	&nbsp;