
Nisêbîna rengîn bi berzkirina dirûşmeyan diherike qada Newrozê 

2023-03-21 10:48:48


	&nbsp;

	MÊRDÎN - Li Newroza Nisêbînê, welatî bi cil û bergên xwe yên netewî diherikin qadê. Xelkê Nisêbînê, bi berzkirina dirûşmeyên “Bijî Serok Apo” û “Bijî berxwedana Newrozê” Newrozê pêşwazî dike.

	&nbsp;

	Îsal Newroz bi dirûşmeya “Her der Newroz, her dem azadî” tê pîrozkirin. Yek ji navendên ku Newroz lê tê pîrozkirin jî Nisêbîna rengîn e. Qada Newrozê bi flamayên Partiya Demokratîk a Gelan (HDP), Partiya Çep a Kesk û Partiya Heremên Demokratîk (DBP) hatiye xemilandin. Her wiha li ser dikê pankarta “Newroz pîroz be” û “Her der Newroz, her dem azadî” hatine daliqandin.&nbsp;

	&nbsp;

	Welatî ji du milan ve tên qadê û polîs ser xelkê lêgerîn dike. Xelkê Newrozê ku bi cil û bergên xwe yên netewî diherikin qadê dirûşmeyên “Bijî Serok Apo”, “Bijî berxwedana Newrozê”, “Jin jiyan azadî”, “HDP’ê gel e, gel li vir e” û “Bijî Kurdistan” bo coşek mezin Newrozê pêşwazî dikin.

	&nbsp;

	Wê Parlamenterên HDP’ê Pero Dundar û Mehmet Ruştu Tiryakî di bernameyê de biaxivin. Her wiha hunermend Mervan Tan û Koma Dengê Jinên Azad jî wê li ser dikê bistrên.&nbsp;

	&nbsp;

	&nbsp;

	&nbsp;