
Li Manîsayê pîrozbahiya Newrozê hat kirin  

2023-03-19 17:11:16


	&nbsp;

	MANÎSA - Li Manîsayê bi hezaran kes di pîrozbahiya Newrozê de kom bû. Rêveberê HDP’ê Nacî Sonmez got: “Em ê Tirkiyeyek azadîxwaz û wekhev bi rengên xwe ava bikin.”&nbsp;

	&nbsp;

	Li Qada Lale ya Manîsayê bi beşdariya hezaran kes pîrozbahiya Newrozê hat kirin. Qada Newrozê bi alên HDP’ê û Partiya Çep a Kesk hat xemilandin. Jin û ciwan bi cil û bergên kurdî tev li pîrozbahiyê bûn. Ciwanên endamên Meclisa Ciwanên HDP’ê bi dirûjşm û pankartan meşiyan qada Newrozê.&nbsp;

	&nbsp;

	Pêkhateyên Tifaqa Ked û Azadiyê jî tev li pîrozbahiyê bûn. Bernameya pîrozbahiyê bi rêzgirtinê dest pê kir û dirûşma “Şehîd namirin” hat berzkirin. Dayikên Aştiyê û parlamenteran agirê Newrozê vêxist û div ê navberê de dirûşma “Bijî Serokê Apo” hat berzkirin.&nbsp;

	&nbsp;

	Rêveberê DBP’a Manîsayê Hasan Hayrî Dîkîlîtaş axaftina destpêkê kir û got: “Ji vir hezar silav li birêz Abdullah Ocalan be. Hezar silav li cangoriyên azadiyê û qurbaniyên erdhejê be.”&nbsp;

	&nbsp;

	Piştre jî Hevserokên HDP’a Manîsayê û Hevberdevkên Partiya Çep a Kesk ên Manîsayê gel silav kirin û Newroza gel pîroz kirin.&nbsp;

	&nbsp;

	‘NEWROZ ROJA BERXWEDANÊ YE’&nbsp;

	&nbsp;

	Endamê Desteya Rêveberiya Navendî ya HDP’ê Nacî Sonmez bal kişand ser erdhejên navenda wê Mereş bû û got Newroz îro ji bo qurbaniyên erdhejê tê lidarxistin û Newroz roja berxwedanê ye. Sonmez diyar kir ku ew ê îktidarê roja 14’ê Gulanê di sindoqên hilbijartinê de têk bibin. Sonmez anî ziman ku ew ê qet teslîmî hişmendiya serdest nebin û got: “Ji bo em Tirkiyeyek azadîxwaz û wekhev biafirînin em ê bi hemû rengên xwe jiyana nû ava bikin. Em ji bo vê têdikoşin. Em Newroza îsal bikin Newroza azadiyê.”&nbsp;

	&nbsp;

	‘EM Ê TECRÎDÊ RAKIN’&nbsp;

	&nbsp;

	Sonmez bal kişand ser tecrîdkirina Rêberê PKK’ê Abdullah Ocalan jî û wiha got: “Tecrîd ji Îmraliyê dan destpêkirin. Îro her dever hatiye tecrîdkirin. Em gazî gelên Tirkiyeyê dikin. Em ê bi agirê Newrozê tecrîdê rakin.”

	&nbsp;

	DAXWAZA AZADIYA OCALAN&nbsp;

	&nbsp;

	Parlamentera HDP’ê ya Amedê Remziye Tosûn jî axivî û diyar kir ku ji bo têkbirina îktidarê bi biryar in û got: “Îktidar dixwaze bi tecrîda li Îmraliyê aloziyê çeke. Ji siyaseta kurd û dengê Ocalan ditirsin. Ocalan ji bo gelên cîhanê azadiyê dixwaze. Em dizanin heke birêz Ocalan biaxive wê aştiyek mezin jî pêk were. Em azadiya birêz Ocalan dixwazin.”&nbsp;

	&nbsp;

	Hunermend Mihemedê Serhedî derket ser dikê û pîrozbahî li ber stranên wî bi dawî bû.&nbsp;

	&nbsp;