
Ji Antalyayê peyama Newrozê: Em ê hemû girtiyên siyasî azad bikin  

2023-03-19 16:15:39


	ANTALYA &nbsp;- Agirê Newrozê yê Antalyayê bi silavkirina Rêberê PKK’ê Abdullah Ocalan û girtiyên siyasî hate vêxistin. Parlamenterê HDP’ê Kemal Bulbul diyar kir ku dê tevahiya girtiyên siyasî azad bikin.&nbsp;

	Newroza Antalyayê bi dirûşma “Her der Newroz, her dem azadî” li pêşiya Eywana Sporê ya Turgut Ozal, bi tevlibûna bi hezaran kesan û dirûşmên “Jin, jiyan, azadî” û “Bê Serok jiyan nabe” dest pê kir. Bernameya Newrozê bi axaftinên Hevserokên Giştî yên Partiya Demokratîk a Gelan (HDP) ên Antalyayê Ahmet Kaya û Hulya Hasbay berdewam kir.&nbsp;

	&nbsp;

	Kaya, diyar kir ku berpirsyarê hilweşîna di erdhejê de îktîdara AKP’ê ye û wiha got: “Em dibêjin ku dê îktîdara AKP-MHP’ê di sindoqê de têk bibin. Armanca me komara demokratîk û em ê vê armanca xwe pêk bînin.”&nbsp;

	&nbsp;

	Piştre jî Parlamenterê HDP’ê yê Antalyayê Kemal Bulbul, endama MYK’a HDP’ê Sûltan Ozcan, rêveberên rêxistina HDP’ê yên navend û navçeyan, Hevberdevkên Partiya Çep a Kesk ên Antalyayê Mûstafa Vakît û Ozlem Bahadir derketin ser dikê û li gel tevahiya pêkhateyan agirê Newrozê vêxistin.&nbsp;

	&nbsp;

	Piştî vêxistina agirê Newrozê jî Hevberdevkê Partiya Çep a Kesk ê Antalyayê Vakît axivî û ev tişt anî ziman: “Tiştên ku em dijîn qeder nîne, encama qetilkirina xwezayê ye. Em ê bi agirê Newrozê têkoşîna xwe mezintir bikin û vê îktîdara rantxwir û terorîst biavêjin sergoyê.” Piştre jî Koma Muzîka Zarokan a Aryenê derket ser dikê û stranên xwe pêşkeş kir.&nbsp;

	&nbsp;

	Endama MYK’a HDP’ê Sûltan Ozcan jî wiha got: “Em amade ne ku ji vê pergalê rizgar bibin. Em amade ne ku di 15’ê gulanê de ji vê îktîdara dijminatiya jinan dike biguherînin.” Axaftina Ozcan, bi dirûşmên “Hikûmet îstîfa bike” û “Bimre faşîzm” hate birîn.&nbsp;

	&nbsp;

	'EM Ê FAŞÎSTAN TÊK BIBIN’

	&nbsp;

	Parlamenterê HDP’ê Kemal Bulbul jî bal kişand ser hilbijartinan û ev tişt anî ziman: “Hilbijartina 14’ê gulanê, hilbijartineke jirêzê nîne. Lewma em ê bi hev re li qadan bin û bixebitin. Em ê yek bi yek tevahiya faşîstan bidarizînin. Em xwedî li partî, gel, nirx û zimanê xwe derkevin. Ji bo gelê kurd Newroz tê wateya Kawa, Mazlum Dogan, azadî, wekhevî û edaletê.”&nbsp;

	&nbsp;

	SILAV BO ÎMRALIYÊ ŞANDIN

	&nbsp;

	Bulbul, di serî de Rêberê PKK’ê Abdullah Ocalan, ji bo hemû girtiyên siyasî silav şand û wiha pê de çû: “Em ê tevahiya hevalên xwe yên di girtîgehan de azad bikin. Gelê kurd dê xwedî li rabûrdû û dahatûya xwe derkeve. Em ê projeya komara demokratîk pêk bînin.”&nbsp;

	&nbsp;

	Piştre jî qurnefîl li gel hatin belavkirin û bernameya Newrozê bi stranên hunermend Hîvda Gokel bi dawî bû.

	&nbsp;