
Newroza Çewligê dest pê kir   | ZINDÎ 

2023-03-19 11:46:06


	&nbsp;

	ÇEWLIG - Pîrozbahiya Newrozê ya li Çewligê bi dirûşmên “Her der Newroz, her dem azadî” dest pê kir. Gel bi cil û bergên kurdî dikeve qadê û bertek nîşanî tecrîda li ser Rêberê PKK’ê Abdullah Ocalan da.&nbsp;

	&nbsp;

	Newroza Çewlikê bi dirûşmên “Her der Newroz, her dem azadî” û “Bi agirê Newrozê ber bi azadiyê ve” û bi pêşengtiya Kongreya Civaka Demokratîk (KCD), Kongreya Demokratîk a Gelan (HDK), Tevgera Jinên Azad (TJA), Partiya Herêmên Demokratîk (DBP) û Partiya Çep a Kesk li Qada Newrozê ya Taxa Sarayê tê pîrozkirin. Li Qada Newrozê alayên HDP û Partiya Çep a Kesk û pankarta "Bila Çewlig weke herêma karesatê bê îlankirin” hatibûn daliqandin. Ligel baranê jî bi sedan welatî ber bi Qada Newrozê ve diherike. Rêxistinên HDP, DBP û Partiya Çep a Kesk ên Çewligê, aktîvîstên TJA’yê, endamên Dayikên Aştiyê, rêxistinên civakî yên sivîl û bi sedan welatî tev li pîrozbahiyê bûn. Herikîna gel a ji gund û navçeyan a ber bi qada Newrozê ve didome.&nbsp;

	&nbsp;

	WELATÎ BI CIL Û BERGÊN KURDÎ DIKEVIN QADÊ

	&nbsp;

	Welatiyên ku tên qadên ji du cihên lêgerînê derbas dibin û piştre dikevin qadê. Jin, mêr û zarok bi cil û bergên kurdî tên qada Newrozê. Di pîrozbahiyê de welatiyan bi dirûşman bertek nîşanî tecrîda girankirî ya li ser Rêberê PKK’ê Abdullah Ocalan dan.&nbsp;

	&nbsp;

	Di pîrozbahiya Newrozê de dê Parlamenterê HDP’ê yê Çewligê Erdal Aydemîr, endama PM’a DBP’ê Nûrten Uzumcu, Hevserokên HDP’ê yên Çewligê Mihrîban Ekîncî û Feyzûllah Şeyhanoglû, Serokê Komîteya Amadekar ê Newrozê Zayîm Bagbars biaxivin.&nbsp;

	&nbsp;

	Piştî axaftinan jî dê hunermend Evîn Sindî û dengbêjê herêmê Fettah Yalçin derkevin ser dikê û stranên xwe bibêjin.&nbsp;

	&nbsp;

	Herikîna gel a ber bi qadê ve didome.&nbsp;

	&nbsp;