
Yek ji 6 kesên ku di tunelê de asê mabûn bi avjeniyê xelas bû

2023-03-15 11:45:58


	&nbsp;

	RIHA - Yek ji 6 kesên li Xaçerêya Abideyê ji ber barîna barana zêde asê man, ji ava lehiyê bi avjeniyê xelas bû.&nbsp;

	&nbsp;

	Ji ber barana zêde ya li Rihayê bariyayî, li navçeyên navendî yên Eyyubiye, Halîliye û Karakopruyê gelek mal, kargeh, avahiyên cemaweriyê, rê, pir û tunel di bin avê de man. Ji ber li Çemê Akpiyar ê li navçeya Karakopruyê li hin cihan av rabû li ser Rêya 35 Metreyê kamav çêbûn.&nbsp;

	&nbsp;

	Serokkomarê AKP’î Tayyîp Erdogan du meh berê Xaçerêya Abîdeyê ya bi dirêjiya 150 metreyan vekiribû. Xaçerê di bin avê de ma û xebatkarên agirkujiyê dema hewl dan wesayîteke ku mirov tê de hebûn rizgar bikin, ber lehiyê ketin. Tunel heta devî tije bû û li gel xebatkarên agirkujiyê bi giştî 6 kes di tunelê de asê man.&nbsp;

	&nbsp;

	Yek ji 6 kesên asê mabûn bi avjeniyê xelas bû. Hate diyarkirin ku li Xaçerêya Abîdeyê hêj jî gelek ajokar di wesayîtên xwe de li bendê ne werin xelaskirin.&nbsp;

	&nbsp;