
KCD, HDK, TJA, DBP û HDP dê li herêmên erdhejê bin  

2023-03-14 13:06:47


	&nbsp;

	NAVENDA NÛÇEYAN - Hevserokên KCD, HDK, TJA, DBP û HDP’ê dê bi boneya çilrojka erdhejên Mereşê, tev li merasîmên bîranînê yên li herêmên erdhejê bibin.&nbsp;

	&nbsp;

	Bi boneya çirojka erdhejên Mereşê dê li bajaran merasîmên bîranînê bên lidarxistin. Newroza 2023’yan diyarî qurbaniyên erdhejê hate kirin û ji ber çilrojka erdhejê, dê di 17’ê adarê de pîrozbahî neyên lidarxistin. Dê bi pêşengtiya Kongreya Civaka Demokratîk (KCD), Kongreya Demokratîk a Gelan (HDK), Tevgera Jinên Azad (TJA), Partiya Herêmên Demokratîk (DBP) û Partiya Demokratîk a Gelan û bi beşdariya 6 hevserokên giştî, 19 endamên MYK’a HDP’ê û 33 parlamenteran, bi boneya çilrojka erdhejê li Hatay, Semsûr, Mereş, Amed, Meletî, Riha, Dîlok û Edeneyê merasîmên bîranînê bên lidarxistin.&nbsp;

	&nbsp;

	Hevserokên giştî dê biçin serdana bajar û navçeyên di erdhejê de hilweşiyayîn û beşdarî bîranîn, loqme û mewlîdan bibin.&nbsp;

	&nbsp;

	Hevberdevka HDK’ê Esengul Demîr, Hevserokê Giştî yê HDP’ê Mîthat Sancar, Hevberdevka Partiya Çep a Kesk Çîgdem Kiliçgun Uçar, endamên Lijneya Rêveberiya Navendî ya HDP’ê û parlamenter dê li Hatayê bin.&nbsp;

	&nbsp;

	Hevseroka Giştî ya HDP’ê Pervîn Buldan, endamên MYK’a partiyê û parlamenter tev li merasîmên li Semsûrê bibin.&nbsp;

	&nbsp;

	Hevserokê KCD’ê Berdan Ozturk, Berdevka Meclisa Jinan a HDP’ê Ayşe Acar Başaran, endamên MYK’ê û parlamenter dê li navçeya Bazarcix a Mereşê; Hevberdevkê Partiya Çep a Kesk Îbrahîm Akin, Cîgirê Hevserokê Giştî yê HDP’ê Tayîp Temel, endamên MYK’ê û parlamenter li Narli ya Mereşê; Cîgira Hevserokê Giştî yê HDP’ê Feleknas Uca û parlamenter jî li Elbistanê bin.&nbsp;

	&nbsp;

	Hevseroka Giştî ya DBP’ê Saliha Aydenîz, Cîgirê Hevserokê Giştî yê HDP’ê Serhat Eren û parlamenter li Meletiyê; Berdevka HDP’ê Ebrû Gunay û parlamenter li Rihayê; Serokwekîlê Koma HDP’ê Sarûhan Oluç, endamên MYK’ê û parlamenter jî dê li navçeya Islehiye ya Dîlokê tev li çalakiyên bîranînê bibin.&nbsp;

	&nbsp;

	Cîgirên Hevserokên Giştî, endamên MYK’ê û parlamenter tev li merasîmên bîranînê yên li Amed û Edeneyê bibin.&nbsp;

	&nbsp;