
Qefîleya Amedsporê bi girseyî hate pêşwazîkirin 

2023-03-06 11:41:27


	&nbsp;

	AMED - Qefîleya Amedsporê ku li deplasmana Bursasporê rastî êrişên faşîst hat, li Amedê ji hêla bi hezaran kesan ve hate pêşwazîkirin.&nbsp;

	&nbsp;

	Qefîleya Amedsporê ku duh li deplasmana Bursasporê rastî êrişên faşîst hat û polîsan jî ev êriş temaşe dikirin, vegeriya Amedê. Qefîleya Amedsporê ku gihişt Balafirgeha Amedê, li derveyî balafirgehê bi girseyî hate pêşwazîkirin. Hevserokê Partiya Herêmên Demokratîk (DBP) ê Amedê Hayrettîn Altun, Hevserokên Partiya Demokratîk a Gelan (HDP) Zeyyat Ceylan û Gulistan Atasoy, Parlamenterên HDP’ê yên Amedê Remziye Tosun û Dêrsim Dag, nûnerên rêxistinên civaka sivîl û bi hezaran kesan qefîle bi dahol, zirne û govendê pêşwazî kirin. Di dema pêşwazîkirinê de girseyê strana “Dîren ha Diyarbekir dîren” bi yek dengî gotin û dirûşma “Amed bi we serbilind e” berz kirin. Qefîle, tevî konvoyeke ji hezaran wesayîtan pêk dihat, ber bi Tesîsên Şeyhmus Ozer ve kete rê.

	&nbsp;