
HDP li Hatayê tax bi tax birînan derman dike 

2023-02-28 17:00:53


	&nbsp;

	HATAY - HDP li navçeya Defneyê tax bi tax pêdiviyên welatiyan tespît dike û birînan derman dike.&nbsp;

	&nbsp;

	Partiya Demokratîk a Gelan (HDP) li navçeya Defneya Hatayê ku di erdhejên 6 û 20’ê sibatê de xesareke mezin gihiştê tax bi tax birînan derman dike. Şandeya HDP’ê îro jî li taxên Çekmece û Buyukçatê bi mexdûrên erdhejê re hate cemhev. Welatiyên ku zehmetiyên ji roja ewil ve dijîn vegotin ragihandin ku hêj nekarîne xwe bigihînin konan. Welatiyan konên serayan nîşanî şandeyê dan û anîn ziman ku 20 kesan zêdetir mirov li wir dijîn.&nbsp;

	&nbsp;

	DESTNÎŞANKIRINA PIŞTEVANIYÊ&nbsp;

	&nbsp;

	Hevserokê HDP’a Hatayê Kerem Nalbant ê pirsgirêkên welatiyan guhdar kirin wiha got: “Di 6’ê sibatê de bi karesata herî tund a 200 salên dawî re em hişyar bûn. Em ê van êşan hindik be jî bi piştevaniyê sivik bikin.”

	&nbsp;

	‘EM Ê AXA XWE NETERIKÎNIN’

	&nbsp;

	Nalbant, bal kişand ku bi navendên koordînasyonên Enqere û Amedê alîkarî gihandine welatiyan û destnîşan kir ku di hemû xebatan de bûne seferber. Nalbant di berdewama axaftina xwe de ev tişt gotin: “Erdhejê ne kuşt. Ferasate kesên me bi rê ve dibin û tedbîr negirtina wan em kuştin.”

	&nbsp;

	Nalbant, diyar kir ku demografî tê xwestin bê guhertin û got: “Nîvî nifûsê bajêr terikandiye. Em li ser vê axe ji dayik bûn. Em ê van deran neterikînin. Heke em vê axê biterikînin wê hinek din li van deran bi cih bibin.”

	&nbsp;

	BELAVKIRINA XUREKAN

	&nbsp;

	Komeke HDP’iyan jî serdana gundên girêdayî navçeya Samandagê kirin. HDP’iyan li her gundê ku serdana wan kirin alîkariya xwarinê dan kesên hewcedar.&nbsp;

	&nbsp;