
Cenazeyê fermandarê YBŞ’ê Agir Cefrî hat veşartin 

2023-02-27 23:02:12


	&nbsp;

	NAVENDA NÛÇEYAN - Cenazeyê fermandarê YBŞ’ê Agir Cefrî ku di encama êrişa hewayî ya dewleta tirk de jiyana xwe ji dest da, hat veşartin.

	&nbsp;

	Îro danê nîvro dewleta tirk abi balefira bê mirov a bi çek (SÎHA), li Gundê Behrava yê girêdayî Komelgeha Xanesorê êriş bir ser wesayîteke Yekîneyên Berxwedana Şengalê (YBŞ). Di encama êrişê de ji fermandarên YBŞ’ê Pîr Çeko û Agir Cefrî jiyana xwe ji dest dan û şervanek jî birîndar bû.

	&nbsp;

	Fermandar û şervanên YBŞ’ê ji bo serxweşiya kesên ku beriya 2 rojan li gundê Behrava jiyana xwe ji dest dabûn, berê xwe dabûn konê şînê û di dema vegera şînê de rastî êrîşê hatibûn.

	&nbsp;

	Di êrişê de ji fermandarên YBŞ’ê Pîr Çeko û Agir Cefrî jiyana xwe ji dest dan û şervanek jî birîndar bû.

	&nbsp;

	Cenazeyê fermandar Agir Cefrî ji ber deriyê mala wî ya li Xanesorê bi karwanekî wesayîtan ber bi Goristana Şexşemis ve hat birêkirin. Bi sedan kes di merasîmê de amade bûn û cenazeyê Agir Cefrî li gor urf û adatên civaka êzidî li Gorîstana Şexşemis, li kêleka birayê xwe Hecî hat veşartin.

	&nbsp;

	&nbsp;