Nîjadperestî heta konan jî hat  

2023-02-27 12:43:36


	 

	MELETÎ - Di ketina konên ji hêla AFAD’ê ve li Meletiyê hatin vedan de gotina “Turk” hate nivîsandin û li konên penaberên sûriyeyî tê de dimînin jî hejmar lê hatine kirin. 

	 

	Di encama erdhejên Mereşê de li 11 bajaran hilweşîneke mezin çêbû. Li van herêmên erdhejê nêzî milyonek û 740 hezar penaberên sûriyeyî dijîn. Piştî hilweşîna bajaran, gelek penaber ji neçarî ji cihên xwe bûn. Li rexekî pirsgirêka wan a cihê mayînê û li rexa din jî rastî êrişên nîjadperest tên. Ev nîjadperestî ewqas zêde bû ku hinek penaberên sûriyeyî yên di bin kavilan de diyar kirin ku ji bo neyê zanîn ku ji Sûriyeyê ne, bi erebî neaxivîne. Ev mînak, bi tena serê xwe asta nîjadperestiya tê kirin nîşan dide. Di dema belavkirina alîkariyan de jî li dijî penaberan cihêkariyeke mezin tê kirin. 

	 

	AFAD’ê li Baxçeyê Milet ê li Meletiyê konbajar ava kiriye û ji hêla leşkeran ve tê parastin. Di ketina konên ku xelkê Meletiyê tê de dimîne peyva “turk” hatiye nivîsandin û li ser yên penaberên sûriyeyî dimînin jî hejmar lê hatine kirin û nivîsandin. 

	 

	MA / Dilgeş Ruvanas