
Raporek têkildarî rewşa zarokên li konan dimînin hat belavkirin  

2023-02-22 16:27:32


	AMED - Tora Rêveberiya Krîzê ya Mafên Zarokan a Amedê diyar kir ku li qadên konan û kombûnê yên herêmên erdhejê ji bo sûdgirtina zêde ya zarokan li ber çavan nehatiye girtin.&nbsp;

	&nbsp;

	Tora Rêveberiya Krîzê ya Mafên Zarokan a Amedê ku di bin banê Platforma Parastina Bajêr û Piştevaniyê ya Amedê de hatiye sazkirin, têkildarî xebatên mafên zarokan ku li herêmên erdhejê kirine li Ewyana Konferansê ya Tahîr Elçî ya Baroya Amedê civîna çapemeniyê li dar xist.&nbsp;

	&nbsp;

	Di civînê de xebat û çavdêriya hatiye kirin ji raya giştî re hat parvekirin. Saziyêk wek; Komeleya Lêkolînên Çandê yên ji bo Aştiyê, Komeleya Xebatên Zarokan, Komeleya Edaletê ya Ji Bo Zarokan, Navenda Mafên Mirovan a Baroya Amedê, Sendîkaya Kedkarên Perwerdehiyê, Komîsyona Zarokan a Komeleya Ekolojiyê, Weqfa Alîkariya Koçberî û Mirovî, Komîsyona Mafên Zarokan a Komeleya Mafên Mirovan a Şaxa Amedê, Komeleya Qada Ciwan a Lotûsê, Komeleya Wekhevî û Başkirina Xweşiyê ya Modern, Înîsiyatîfa Derûnnasên Mezopotamya, Komeleya Hêviyên Rengareng, Komeleya Pisporên Xizmeta Civakî ya Şaxa Amedê û Komeleya Berî Her Tiştî Jin û Zarokan rapora hevpar hat amadekirin. Endama Koordînasyonê Buşra Eylul Ozgultekîn raporê xwend.&nbsp;

	&nbsp;

	Ozgultekîn diyar kir ku wan li qadên konan û kombûnê ji 6’ê sibatê ve bi awayek rêkûpêk serdanan kirine û piştî çavdêriyan kêmasiyên ku hatine tespîtkirin kirine rapor.&nbsp;

	&nbsp;

	Ozgultekîn anî ziman ku xebatên ji bo zarokan kêm in û gelek tiştên ku zarok jê sûdê werbigirin kêm in û di vî warî de sûdwergirtina zêde ya zarokan li ber çavan nehatiye girtin. Ozgultekîn bal kişand ser xetereya konbajaran a ji bo zarokan û divê berî her tiştî zarok û jin bên parastin. Ozgultekîn anî ziman ku dê xebatên wan derbarê zarokan de bênavber bidomin.&nbsp;

	&nbsp;

	&nbsp;