
Li Hatayê du erdhej çêbûn:Gelek kes di bin kavilan de ne | BLOGA ZINDÎ      

2023-02-21 00:00:59


	NAVENDA NÛÇEYAN - Li navçeya Samandagi ya Hatayê bi pileya 6,4 erdhej çêbû. Piştî erdheja ewil, bi pişeya 5,8'an erdhejeke din çêbû.&nbsp;Piştî erdhejan îşaret bi tsûnamiyê hat kirin.

	Resetxaneya Kandîlliyê, daxuyand ku li Samandagiya Hatayê saet li dor 20.05'an bi pileya 6,4'an erdhej çêbûye.&nbsp;Erdheja ku 7,7 kîlomtre di binî erdê de çêbû, li Amed, Edene û gelek bajarên din hat hîskirin. Her wiha hat diyarkirin ku erdhej li Sûriye, Misir û Lubnanê jî hatiye hîskirin.

	&nbsp;

	Piştî erdhejê li gelek bajaran welatî derketin derve.

	&nbsp;

	00.23 AFAD: 42 ÎXBAR JI NAVENDA BANGA LEZGÎN RE HATINE

	&nbsp;

	AFAD'ê daxuyand ku piştî erdhejên li Hatayê çêbûn, 42 îxbar ji Navenda Banga Lezgîn 112'yê re hatine û got ku piştî îxbaran tîmên xwe sewqî herêmê kirine û xebatên wan ên lêgerîn û rizgarkirinê didomin.&nbsp;

	&nbsp;

	23.17 DI ERDHEJA HATAYÊ DE 3 KESAN JIYANA XWE JI DEST DA

	&nbsp;

	Wezîrê Karên Navxweyî Suleyman Soylû, daxuyand ku di erdhejên Hatayê de 3 kesan jiyana xwe ji dest daye û 213 kes jî birîndar bûne.&nbsp;

	&nbsp;

	22,37 LI SÛRIYEYÊ GELEK KES BIRÎNDAR BÛN

	&nbsp;

	Erdhejên bi pileya 6,4 û 5,8'an ên li navçeya Samandagi û Defne yên Hatayê çêbûn, li bajarên Îdlib, Heleb, Hama, Efrîn, Ezaz, Cerablûs, el-Bab û Tel Ebyadê yên Sûriyeyê jî hat hîskirin. Li gor daxuyaniya Parastina Sivîl a Sûriyeyê, li Sûriyeyê hin kes ji ber erdhejê birîndar bûne. Li bajaroka Cinderesê ya Efrînê jî 2 avahî û minareyeke ku berê xesar dîtibûn hilweşiyan û li Heleb û Îdlibê jî hin avahî xesar dîtine.&nbsp;

	&nbsp;

	22.13&nbsp;LI SAMANDAGIYÊ AVAHÎ HILWEŞIYAN, MALBATEK DI BIN KAVILAN DE MA&nbsp;

	&nbsp;

	Li taxên Baglik, Tomûksûyû, Kapisûyû, û Denîzê yên navenda erdhejê Samndagiyê gelek avahî hilweşiyan. Hat diyarkirin ku li Taxa Tomûksûyê malbatek di bin kavilan de maye. Her wiha li gelek deverên navçeyê jî erd qelişiye.&nbsp;

	&nbsp;

	21.54 JI EMSC'YÊ HIŞYARIYA JI BO TSÛNAMIYÊ

	&nbsp;

	Piştî erdhejan Navenda Sîsmolojiyê ya Ewropa-Behraspî (EMSC), îşaret bi tsûnamiyê kir. EMSC diyar kir ku dê erhdej bidomin û ji bo Hatayê îşaret bi tsûnamiyê kir. ESMC'ê xwest her kes ji peravê dûr bisekine û wiha bang kir: "Guh li dîrektîfan bikin."&nbsp;

	&nbsp;

	
		21. 41 AFAD: JI PERAVÊ Û AVAHIYÊN XESARDÎTÎ DÛR BISEKININ
	
		&nbsp;
	
		AFAD ku piştî erdheja li Hatayê daxuyanî da,&nbsp;diyar kir ku piştî erdhejên bi pileya 6,4 û 5,8'an tîmên wan ketine nava liv û tevgerê û dest bi kontrolkirina qadê kirine. Her wiha AFAD'ê welatiyan hişyar kir ku ji peravê û avahiyên xesardîtî dûr bisekinin.&nbsp;


	&nbsp;