
Di erdhejê de li 30 beşên sûrên Amedê xesar çêbûye  

2023-02-16 15:06:02


	&nbsp;

	AMED - Di erdhejê de 30 beşên sûrên Amedê ku di Lîsteya Mîratên Çandî ya UNESCO de ye û 3 mizgeftên dîrokî xesar diîtin.&nbsp;

	&nbsp;

	Karesata erdhejê tesîra xwe li ser sûrên Amedê û sê mizgeftên dîrokî jî kiriye. 30 beşên cuda yên sûrên Amedê û 3 mizgeftên dîrokî jî xesar dîtine. Komeleya Parastina Hebûnên Tebîatê û Çandê ya Amedê di 9, 10, 11’ê sibatê de lêkolînê kir û raporek amade kir. Li gorî raporê hat tespîtkirin; li 30 beşên cuda yên sûrên Amedê ku di Lîsteya Mîrata Çandî ya Cîhanê ya UNESCO’yê de ne rûxandin çêbûye. &nbsp;

	&nbsp;

	Di rapora çavdêriyê de terk li sûran ketiye û li 30 nokteyan rûxndin çêbûye û hat ragihandin ku xeereya kevir ji sûran bikevin jî heye.&nbsp;

	&nbsp;

	LI BIRCA KEÇIKÊ XESAR HAT TESPÎTKIRIN&nbsp;

	&nbsp;

	Di raporê de cih dane Birca Keçikê jî û hatiye tespîkirin ku li eniya Bircê ku li rojava dinêre kevir ketine xwarê û herifandin çêbûye û di hin beşên wê de xesar çêbûye.&nbsp;

	&nbsp;

	DI KELEHA HUNDIR DE JÎ XESAR ÇÊBÛYE&nbsp;

	&nbsp;

	Di raporê de hat destnîşankirin ku ji Keleha Hundir (Îç Kale) kevir ketine xwarê û rûxandin çêbûye.&nbsp;

	&nbsp;

	Di raporê de îşaretî hewcedariya restorasyona van cihên ku xesar dîtine û hilweşiyane hat kirin.&nbsp;

	&nbsp;

	MINAREYA ÇAR LING JÎ XESAR DÎTIYE&nbsp;

	&nbsp;

	Di raporê de hat diyarkirin ku li Minareya Çar Ling jî xesar çêbûne û terk lê ketine. Di raporê de hat gotin mizgeftên dîrokî yên bi navê Safa (Parli) û Behram Paşa jî xesar dîtine û terk li dîwarên wan ketine.&nbsp;

	&nbsp;

	&nbsp;