
Li Îskenderûnê xebatên lêgerîn û rizgarkirinê piştî 30 saetan dest pê kirin  

2023-02-07 15:00:43


	&nbsp;

	HATAY – Di erdhejê de li Îskenderûnê gelek avahî hilweşiyan lê xebatên lêgerîn û rizgarkirinê piştî 30 saetan dest pê kirin. Cenazeyên ji bin xerabeyan hatin derxistin li kolanan tên sekinandin.&nbsp;

	&nbsp;

	Yek ji bajarên ku herî zêde ji erdhejên Mereş û Dîlokê bibandor bû jî Hatay e. Xebatên lêgerîn û rizgarkirinê yên li navçeya Îskenderûn a Hatayê piştî 30 saetan dest pê kirin. Di encama erdhejê de gelemperiya Taxa Çay a navçeyê rûxiya. Qutbûna ceyran û avê jî gel hîn bêhtir mexdûr kir.

	&nbsp;

	CENAZE LI KOLANAN TÊN SEKINANDIN&nbsp;

	&nbsp;

	Gelê herêmê bi derfetên xwe xebatên lêgerîn û rizgarkirinê kirin. Ekîbên ku duh bi şev hatin navçeyê û ji ber baranê navber dan xebatên xwe, îro di danê sibehê de dîsa dest bi xebatan kirin. Li navçeyê kêmek xebatkarên AFAD’ê hene û xebatên lêgerîn-rizgarkirinê jî gel û leşker dikin. Bi qasî 30 saet piştî erdhejê li navçeyê xebatên lêgerîn-rizgarkirinê hatin destpêkirin û ji bin xerabeyan cenaze tên derxistin. Lê belê ji ber ku ambulans û wesayîtên cenazeyan tune ne, cenaze li kolanan tên sekinandin. Hinek cenaze jî bi wesayîtên polîsan vediguhêzînin nexweşxaneyan.&nbsp;

	&nbsp;

	WELATÎ BI BERTEK IN&nbsp;

	&nbsp;

	Xelkê navçeyê bi bertek e ku alîkarî û piştevanî bi wan re nayê kirin û gotin ku komên hatine şandin pir kêm in. Welatiyan got ku xebatkarên rizgarkirinê di dema xwe de nehatin şandin lewma hejmara miriyan zêde bûye.&nbsp;

	&nbsp;

	SEROKÊ TTB’Ê LI HERÊMÊ YE

	&nbsp;

	Serokê Yekitiya Baroyên Tirkiyeyê (TBB) Erînç Sagkan bi malbatên hempîşeyên xwe yên di erdhejê de jiyana xwe ji dest dane re hevdîtin kir.&nbsp;

	&nbsp;