
Tîmên ku li Meletiyê kavilan rakin tune ne!  

2023-02-07 14:54:07


	&nbsp;

	MELETÎ - Li Meletiyê jî wek bajarên din tîmên xebata lêgerîn û rizgarkirinê bi awayek têrkirî tune ne. Welatî dibêjin ku wan hêviya rizgarkirina xizmên xwe di bin kavilan de winda kirine.

	&nbsp;

	Her kêliya ku diçe bilançoya erdhejê zêde dijwartir dibe. Hê jî ji deh hezaran welatî agahî nayê girtin. Li Meletiyê jî li gel hewa sar û barîna berfê xelkê şeva xwe li derve derbas kir. Li gorî agahiyên dawî yên li bajêr, 177 kes mirin e û ji 2 hezar kesî zêdetir jî birîndar hene.&nbsp;

	&nbsp;

	AGAHIYÊN AFADÊ ŞAŞ IN&nbsp;

	&nbsp;

	Li Meletiyê jî Maseya Krîzê ya HDP’ê xebatên xwe da destpêkirin. Ji Maseya Krîzê Hasan Basrî Sûcû diyar kir ku bilançoya erdhejê ku AFAD têkildarî bajar, navçe û gundan dide şaş in. Sûcû da zanîn ku duh ew li navendên AFAD’ê geriyane û AFAD tu xebatekê nake. Sucu anî ziman ku heta niha AFAD’ê li gundan tu xebatek nedaye destpêkirin û pêdiviya xelkê gundan ku mexdûr bûne bi av û xurekan heye.&nbsp;

	&nbsp;

	GUND LI BENDAL ALÎKARIYÊ NE&nbsp;

	&nbsp;

	Sûcû anî ziman ku li gundê Topraktepe yê navçeya Doganşehîrê 300 mal hene û ji 200 zêdetir mal xera bûne û li gundê Oren ê bi ser navçeya Akşadagê ve jî xebata kavilan tenê ji aliyê gel ve tê kirin. Sûcû got ev du roj in ava gund qut bûye û şaredariyê têkildarî mijarê tu daxuyaniyek nedaye.&nbsp;

	&nbsp;

	HEWCEDARIYÊN JI BO WELATIYAN&nbsp;

	&nbsp;

	Sûcû diyar kir ku pêdiviya xelkê bajêr bi nan, av, mamayên zarokan, bezên zarokan, petên hîjyenîk û sotemeniyê heye.&nbsp;

	&nbsp;

	XELK XEBATÊ DIKE&nbsp;

	&nbsp;

	Gelek xaniyên li ser cadeya Înonû ya navçeya navendî Çermiktî ya Meletiyê xesar dîtine û bi dehan mirov di bin kavilan de ne. Li Rezîdansa Trend Gardenê gelek kes di bin kavilê de ne. Xelk li dijî têrnekirina xebatên lêgerînê û rizgakirinê bi bertek e.&nbsp;

	&nbsp;

	‘ME TERKÎ ÇARENÛSA ME KIRINE’&nbsp;

	&nbsp;

	Mensûr Bûlût ê ji Mêrdînê bo alîkariyê hatiye Meletiyê da zanîn ku apê wî û jinapa wî di bin kavilê avahiyê de ne û got: “Ne dewlet û ne jî saziyên xwe li vir in. Dema em hatin tenê welatî hebûn. Mirovên li vir terkî çarenûsa xwe hatin kirin.”

	&nbsp;

	‘KES ALÎKARIYÊ NAKE’&nbsp;

	&nbsp;

	Abdî Bûlût jî da zanîn ew ji Mêrdînê hatiye û hê jî apê wî û jinapa wî di bin kavil de ne û got: “Xebat têr nakin. Heta niha jî tu tiştek nehatiye kirin. Bi dehan mirov di bin kavilan de hene. Kes alîkariyê nake.”&nbsp;

	&nbsp;

	MA / Firat Can Arslan

	&nbsp;

	&nbsp;