
Li Çûkûrovayê rewşa erdhejê: Dewlet tune ye  

2023-02-07 12:05:05


	HATAY - Ji ber erdhejê li bajarên herêma Çûkûrovayê jî gelek avahî hilweşiyane. Xelkê hêrêmê li derve şeva xwe derbas kir. Tîmên lêgerîn û rizgariyê bi awayek têrkirî hê jî neçûne bajaran û xelk bi derfetên xwe hewl dide welatiyan ji bin kavilan derxe.&nbsp;

	&nbsp;

	Erdhejên ku navenda wê Mereş û Dîlok e, li bajarên Amed, Riha, Meletî, Osmaniye, Mêrdîn, Edene, Hatay û Semsûrê rê li ber karesatên mezin vekiriye. Ji bo rizgarkirina kesên din bin kavilan de mane xebat berdewam dikin.&nbsp;

	&nbsp;

	SÎTEYA 10 BLOKÊN WÊ HENE HILWEŞIYAYE&nbsp;

	&nbsp;

	Yek ji bajarên ku hilweşandin lê qewimî ye Hatay e. Hê jî tîmên lêgerîn û rizgariyê neçûne gelek deverên Hatayê. Tê gotin bi hezaran kes li Hatayê di bin kavilan de mane. Bi deh hezaran xelkê Hatayê û navçeyên wê şeva xwe li derve derbas kirin.&nbsp;

	&nbsp;

	Seroka Belediyesporê ya Şaredariya Bajarê Mezin a Hatayê ya berê Zekiye Yîgîtbaşi beşdarî televîzyonekê bû û ragihand ku li li bajêr sîteyek 10 blokên wê hene hilweşiyaye û bi hezaran kes canê xwe ji dest dane û ew wek her demê hatine terkirin û got: “Ne AFAD ne jî dewlet û tu kes nîne.”&nbsp;

	&nbsp;

	4 KES JI BIN KAVILAN HATIN DERXISTIN &nbsp;

	&nbsp;

	Hin tîm xwe gihandine navçeya Îskenderûnê û li 3 avahiyên hilweşiyane xebatê dikin û ji bin kavilan yek jê zarok 4 kes hema bêje piştî 24 saetan birîndar hatin derxistin. Saet li 03.35 li avahiya Reşît, Mehmet û Hakan Yilmaz Çagan ên birayê hev hatin derxistin. Her wiha tîmên rizgariyê li avahiya Yalim a 5 qatî Kubilay Ozer a 26 salî û li avahiya Akgul jî Nejla Baygul di heman saetan de derxistin.&nbsp;

	&nbsp;

	EDENE ŞEVA XWE LI DERVE DERBAS KIR&nbsp;

	&nbsp;

	Li Edeneyê jî li 11 avahiyan xesar çêbûye. Heta niha li Edeneyê 50 kesî canê xwe ji dest daye. Xelkê Edeneyê şeva xwe li derve derbas kir.&nbsp;

	&nbsp;

	DAXWAZA SEROKATIYA DAÎREYA ERDHEJÊ HAT REDKIRIN&nbsp;

	&nbsp;

	Serokê Odeya Endezyarên Înşaetê ya Şaxa Edeneyê Hasan Aksungur destnîşan kir ku divê rayedar xebatên tesbîtkirinê bi lez bikin û xebatên nûjenkirinê bidin destpêkirin.&nbsp;

	&nbsp;

	Sekreterê Desteya Koordînasyona Bajêr a Yekitiya Odeyên Endeyzar û Avahîsazan a Tirk (TMMOB) a Edeneyê Ahmet Uncu jî destnîşan kir ku wan pêşniyaza divê Serokatiya Daîreyê ya Erdhejê bê avakirin û envantera avahiyê li bajêr bê derxistin kirine û ev pêşniyaza wan ji aliyê endamên Meclisa Şaredariya Bajarê Mezin a Edeneyê yên AKP’yî û MHP’yî ve hatiye redkirin. Uncu got: “Gunehê xelkê di stûyê AKP-MHP’ê de ye.”&nbsp;

	&nbsp;

	GELEK TÎM DIÇIN HERÊMÊN ERDHEJÊ&nbsp;

	&nbsp;

	Gelek tîmên ji derveyî welat û ji hundirê welat hatin Edeneyê, derbasî herêmên erdhejê bûn.&nbsp;

	&nbsp;

	LI OSMANIYEYÊ 131 KES MIRIN E&nbsp;

	&nbsp;

	Yek ji bajarên di bin tesîra erdhejê de maye Osmaniye ye. Li gorî daxuyaniya dawî ya Walîtiya Osmaniyeyê hat diyarkirin ku 131 kesî jiyana xwe ji dest dane û bi sedan avahî hilweşaiyan .e Li avahiyên hilweşiyayî xebata lêgerîn û rizgarkirina welatiyan didome.&nbsp;

	&nbsp;

	SANCAR DERBASÎ HERÊMA ERDHEJÊ DIBE&nbsp;

	&nbsp;

	Li aliyê din Hevserokê Giştî yê HDP’ê Mîthat Sancar û şandeya pê re dê li Edeneyê serdanên herêmên erdhejê bike.&nbsp;

	&nbsp;

	RÊYÊN ISLAHIYEYÊ HATINE GIRTIN&nbsp;

	&nbsp;

	Li navçeya Islahiyeyê ya Dîlokê jî her ku diçe bilançoya erdhejê giran dibe û dijwariya hilweşandinê xwe nîşan dide. Tê gotin ji sedî 80 navçeyê hilweşiyeya û xesar dîtiye. Hê jî tîmên rizgariyê nehatine navçeyê. Hê jî xwegihandina navçeyê zor e. Welatiyên navçeyê bi derfetên xwe di bin kavilan de xebata lêgerîn û rizgarkirina welatiyan didomînin.&nbsp;

	&nbsp;