
Li Amedê trafîk xitimî: Ji bo hestyariyê bang li gel hat kirin  

2023-02-06 06:06:54


	&nbsp;

	AMED - Li Amedê ku piştî erdhejê avahî xera bûn, ji ber xitimandina trafîkê ekîbên rizgarkirinê nikarin xwe bigihînin kavilan.&nbsp;

	&nbsp;

	Li Bazarcixa Mereşê bi pileta 7.8'an erdhej çêbû. Erdhejê bandor li gelek bajarên herêmê kir. Li Amedê gelek avahî xerabûn. Li semta Ofîsê ya navçeya Yenîşehîr û navçeya Rezanê ya Amedê gelek avahî hilweşiyan. Hat diyarkirin ku li semta Tesîslera ya navçeya Rezanê avahiyeke 7-8 qatî xera bûye. Hat hînkirin ku heya niha ji bin kavilên avahiyê 4 birîndar hatine rizgarkirin û gelek kes jî hê di bin kavilan de ne.&nbsp;

	&nbsp;

	Hat diyarkirin ku ji ber liv û tevgera wesayîtan, xebatên rizgarkirinê bi derengî dikevin.&nbsp;

	&nbsp;

	Welatiyên li herêma kavilan, ji ber zêdebûna trafîkê bang li gel kirin ku hesas bin.&nbsp;