
Banga ji bo beşadariya li Meşa Gemlîkê 

2023-02-04 09:04:00


	&nbsp;

	WAN - Hevseroka Partiya Çep a Kesk a Wanê Gonul Ûzûnay diyar kir ku tecrîda li ser Rêberê PKK'ê Abdullah Ocalan bi civakê dide windakirin û her kesî vexwand "Meşa Gemlîkê" ku dê di 6'ê Sibatê de li dijî tecrîdê bê lidarxistin.&nbsp;

	&nbsp;

	Kongreya Civaka Demokratîk (KCD), Partiya Herêmên Demokratîk (DBP), Partiya Demokratîk a Gelan (HDP), Tevgera Jinên Azad (TJA), Federasyona Komeleyên Piştevaniya Hiqûqî ya bi Malbatên Girtî û Hikûmxwaran re ya Medê (MED TUHAD-FED) û Komeleya Yekitî, Çand, Piştevanî û Alîkariya bi Kesên Xizmên Xwe li Dergûşa Şaristaniyê Winda Kirine re (MEBYA-DER) dê di 6'ê Sibatê de bi boneya salvegera Komploya Navdewletî ya 15'ê Sibatê ya li dijî Rêberê PKK'ê Abdullah Ocalan û tecrîda li Îmraliyê bi dirûşma "Em ji bo çareseriyê ber bi Îmraliyê ve dimeşin" ber bi Gemlîkê ve bimeşin. Meş dê ji du milan pêk bê. Milek ji Gevera Colemêrgê û milek jî ji Qosera Mêrdînê dê pêk bê.&nbsp;

	&nbsp;

	Hevseroka Partiya Çep a Kesk a Wanê Gonul Ûzûnay ji bo beşdariya li meşê bang kir û got ku rêya Tirkiyeyeke demokratîk di Îmraliyê re derbas dibe.&nbsp;

	&nbsp;

	Ûzûnay diyar kir ku dewlet bi teslîmgirtina pêşengên şoreşê dixwazin civakê jî teslîm bigirin û got: "24 sal in di şexsê birêz Ocalan de tecrîdeke giran tê pêkanîn. Halbûkî Abdullah Ocalan bi paradîgmaya xwe ya azadiya jinê, demokratîk û ekolojiyê rêyeke nû berpêşî Rojhilata Navîn û gelên cîhanê kir. Ji bo vekirina vê rêyê divê em bitêkoşin."&nbsp;

	&nbsp;

	'DEWLET DIVÊ PEYAMÊ BAŞ BIXWÎNE'

	&nbsp;

	Ûzûnay bibîr xist ku di meha ÇIleyê de du welatiyan ji bo tecrîdê protesto bikin agir bi bedena xwe xistine û wiha got: "Dewlet jş û civak jî divê van peyaman baş bixwîne. Ger dixwazin di warê exlaqî, polîtîk û aborî de xweşiyek çêbibe, divê dawî li vê tecrîdê bînin. Her ku tecrîd kûr dibe, zimanê siyasî dijwar dibe, krîz rû didin. Pirsgirêke herî mezin a welêt pirsgirêka kurdî ye û muxatabê vî karî jî birêz Ocalan e. Em baş bi vê dizanin, rêya Tirkiyeyeke demokratîk di Îmraliyê re derbas dibe."&nbsp;

	&nbsp;

	BANGAWAZÎ

	&nbsp;

	Ûzûnay destnîşan kir ku ew tecrîda li ser Abdullah Ocalan qebûl nakin û dê li dijî wê bitêkoşin û got: "Em hemû gelê xwe vedixwînin meşa ku dê di 6'ê Sibatê de bê lidarxistin. Gel, divê nehêle ku vîna wî bê binpêkirin û xwedî li vîna xwe derkeve."&nbsp;