
Danişîna doza Alokmen û Ceylan hate taloqkirin 

2023-02-02 11:14:30


	&nbsp;

	AMED - Danişîna doza ku Hevserokê HDP’a Amedê Zeyyad Ceylan û Hevseroka berê Hulya Alokmen jê tên darizandin, ji ber li benda encameke lêpirsîneke din bimînin hate taloqkirin.&nbsp;

	&nbsp;

	Hevserokê Partiya Demokratîk a Gelan (HDP) Zeyyat Ceylan û Hevseroka Bajêr a berê Hulya Alokmen ji ber di serdegirtina polîsan a Rêxistina HDP’a Yenîşehîrê ya di sala 2020’an de li avahiya partiyê lîsteya alîkariyê ya malbatên xizan, flamayên kesk û sor û zer û lîsteya kesên di çalakiya greva birçîbûnê de hatin dîtin bi îdiaya “endamtiya rêxistinê” û “propagandaya rêxistinê tên darizandin. Danişîna doza Ceylan û Alokmen li 5’emîn Dadgeha Cezayê Giran a Amedê hate lidarxistin.&nbsp;

	&nbsp;

	Ceylan û Alokmen a ji dosyayeke din niha girtî ye tev li danişînê nebûn, parêzerê wan Şeyhmûs Bayhan di danişînê de amade bû.&nbsp;

	&nbsp;

	Dadgehê da zanîn ku di danişîna beriya niha de biryar hatibû dayîn ku li benda encama dosyaya lêpirsînê ya derbarê Ceylan de li Enqereyê hatiye vekirin bê sekinandin û dadgehê biryar da ku li benda encama dosyaya ku hêj encam negirtî ye bê sekinîn û danişîn taloqî 8’ê hezîranê kir.&nbsp;

	&nbsp;