
Berxwedana gel a li Îranê didome  

2023-01-31 12:41:35


	&nbsp;

	NAVENDA NÛÇEYAN - Piştî bangawaziyên protestoyê, li seranserî Îran û Rojhilat gel daket kolanan û çalakî li dar xistin.&nbsp;

	&nbsp;

	Ji bo ku di 30 û 31’ê çileyê û 1’ê sibatê de li seranserî rojhilatê Kurdistanê û Îranê çalakî bên lidarxistin, bangawazî hatibûn kirin. Li ser vê yekê li seranserî bajarên Rojhilat û Îranê çalakî hatin lidarxistin. Şevê din li bajarên weke Sine û Bokanê yên rojhilatê Kurdistanê gel daket kolanan, agir vêxistin û bi girtina rêyan re hikûmet protesto kirin.&nbsp;

	&nbsp;

	ÇALAKÎ BERDEWAM IN

	&nbsp;

	Li bajarên Tehran, Meşhed, Yezid û Îsfehan ên Îranê jî çalakiyên protestoyî hatin lidarxistin. Zext û zordariya hêzên rejîmê ya li ser çalakvan û hemwelatiyan berdewam dike. Hat ragihandin ku duh li bajarên Rojhilat bi dehan kes hatine binçavkirin. Di heman demê de melayên bi navên Îbrahîm Kerîmî û Lokman Emînî jî bi sedema ku piştgirî dane çalakiyan, hatin binçavkirin.&nbsp;

	&nbsp;

	Tê gotin ku tevî hemû zextan jî îro û sibe dê li seranserî bajarên rojhilatê Kurdistanê û Îranê çalakî berdewam bikin.&nbsp;

	&nbsp;

	Çalakiyên li Rojhilat û Îranê di 16’ê îlona 2022’yan de bi dirûşma "Jin, jiyan, azadî" dest pê kiribûn. Li gorî daneyan, heta niha 500 kes di çalakiyan de hatine qetilkirin û zêdetirî 19 hezar kes jî hatine binçavkirin.&nbsp;

	&nbsp;