
Hêzên Şengalê gelek sîxurên MÎT û PDK’ê binçav kirin  

2023-01-24 12:05:21


	&nbsp;

	NAVENDA NÛÇEYAN - YBŞ’ê û Hêzên Ewlekariyê yên Şengalê, li dijî tevnên sîxuriyê yên bi destê MÎT û PDK’ê hatine avakirin dest bi operasyoneke girîng kirin û gelek kes binçav kirin. Kesên hatin binçavkirin li xwe mikur hatine ku ji aliyê MÎT'ê û PDK'ê ve hatine birêxistinkirin.

	&nbsp;

	Li Şengalê, li dijî tevnên sîxuriyê ku bi destê MÎT û PDK’ê hatine avakirin operasyoneke girîng hat destpêkirin. Li gorî nûçeyeke ku Rojnewsê derbas kiriye, operasyona bi navê 'Operasyona Tolhildanê' ji aliyê Yekîneyên Taybet ên Yekîneyên Berxwedana Şengalê (YBŞ) û Hêzên Ewlekariyê yên Şengalê hatiye destpêkirin.&nbsp;

	&nbsp;

	AMADEKARIYA WÊ HATIYE KIRIN

	&nbsp;

	Hate ragihandin ku di çarçoveya operasyonê de bi ser çend torên sîxûrîyê yên li Şengalê de hatiye girtin û gelek kes jî bi sûcdariya ‘Sîxûriyê’ hatine binçavkirin. Çavkaniyên ewlekariyê diyar kirine ku kesên binçav kirine destê wan di êrîşên li ser Şengalê û xwîna gelek pêşengên êzidî de heye û ev agahî dane: “Ev demek bû hem malbatên şehîdan hem jî xelkê Şengalê daxwaza girtin û binçavkirina sîxûr û kesên destê wan di xwîna êzidiyan de hene dikirin. Hêzên me jî piştî lêkolîn û agahî komkirineke demdirêj der barê tevnên sîxûriyê de biryara operasyoneke hevpar dan. Piştî hemû zanyarî piştrastbûn me dest bi operasyoneke hevbeş a tolhildanê kir. Operasyona ku me kir serkeftî bû."

	&nbsp;

	MÎT Û PDK WAN ERKDAR KIRINE

	&nbsp;

	Heman çavkaniya diyar kiriye kesên bi tohmeta sîxûriyê hatine binçavkirin li xwe mikûr hatine ku li dijî civaka êzidî sûcan kirine û ev tişt gotin: “Beşek ji sîxûrên ku hêzên ewlekariyê girtine, li xwe mikûr hatin ku ji aliyê rêxistina îstîxbaratê ya dewleta tirk MÎT'ê û PDK’ê ve hatine erkdarkirin, ji bo agahiyên der barê saziyên Şengalê yên ser bi Rêveberiya Xweser û pêşengên civaka êzidî de agahiyan kom bikin û bidin MİT û PDK’ê."

	&nbsp;

	WÊ ENCAMÊ BÊNE PARVEKIRIN

	&nbsp;

	Çavkaniyên leşkerî, dane zanîn ku di encama lêpirsîna sîxûrên hatine binçavkirin de êrîşên li dijî hinek pêşengên êzidî û Rêveberiya Xweser a Şengalê hatine zelalkirin û encamên girîng ji van lêpirsînan bidestxistine û ragihandine ku wê encamên operasyonê bi raya giştî re bêne parvekirin. Çavkaniyan, destnîşan kiriye ku sîxur li xwe mikur hatine ku tevna sîxûriyê çawa li Şengalê hatiye birêxistinkirin û di berdêla xiyanetê de çi soz ji bo wan hatiye dayîn.

	&nbsp;

	OPERASYON DIDOME

	&nbsp;

	Hat ragihandin operasyona hatiye destpêkirin berdewam dike.&nbsp;

	&nbsp;

	Ji sala 2017’an ve bi dehan êrîşên hewayî yên bi balafirên sîxûrî yên tirk li dijî saziyên Rêveberiya Xweser a Şengalê û pêşeng û fermandarên êzidiyan pêk hatine. Di encama van êrîşan de gelek rêveber û fermandarên êzidî jiyana xwe ji dest dane. Hemû êrîşên ku pêk hatine jî li gorî daxuyaniyên fermî yên dewleta tirk operasyonên îstîxbaratî bûne û bi rêya îstîxbaratê pêk hatine.&nbsp;

	&nbsp;