
Cenazeyê Atilgan ê bi awayek guman li Edliyeya Geverê mir, hat veşartin  

2023-01-21 12:13:28


	&nbsp;

	COLEMÊRG - Cenazeyê Ferhat Atilgan ê ji bo îfade bide çû Edliyeya Geverê û bi awayekî guman jiyana xwe ji dest da, hat veşartin.&nbsp;

	&nbsp;

	Li navçeya Geverê ya Colemêrgê duh ciwanê bi navê Ferhat Atilgan (26) ji bo îfade bide çû Edliyeya Geverê û dozger bi daxwaza girtinê sewqî dadgeriyê kir. Tê gotin Atilgan li ser vê daxwaza dozger derketye qata 3’yan a edliyeyê û xwe avêtiye. Atilgan ê bi giranî birîndar bû rakirin Nexweşxaneya Dewletê ya Geverê û li gel hemû mudaxileyên bijîşkan jî nehatiye rizgarkirin û jiyana xwe ji dest daye. Cenazeyê Atilgan piştî karûbarên otopsiye li Goristana Bajêrge hat veşartin.&nbsp;

	&nbsp;

	Hat diyarkirin ku parêzera Atilgan gotiye bi hêceta li ser lepikek ku di sala 2015’an de molotof pê hatiye çêkirin şopa destê miwekîlê wê derketiye, dozger daxwaza girtinê kiriye û sewqî Dadgeha Cezayê Sulhê kiriye lê belê biryarek girtinê ya teqezkirî nebûye.&nbsp;

	&nbsp;

	Li aliyê din heta niha têkildarî mirina bi guman a Atilgan daxuyaniyek fermî nehatiye dayîn.&nbsp;

	&nbsp;