
Rojnamevanê ku Soylû wî hedef nîşan dabû beraet kir  

2023-01-18 14:12:43


	&nbsp;

	WAN - Rojnamevan Azîz Orûç ê ku Wezîrê Karên Navxweyî Suleyman Soylû wî hedef nîşan dabû, ji doza dihat darizandin beraet kir. Hevseroka DFG’ê Dîcle Muftuoglû û 4 kesên din ji heman dozê dihatin darizandin li her yekê 6 meh ceza hat birîn.&nbsp;

	&nbsp;

	Rojnameger Azîz Orûç di 11’ê kanûna 2019’an de li navçeya Bazîdê ya Agiriyê hatibû girtin û piştre hatibû tehliyekirin. Li gel Orûç, Hevseroka Komeleya Rojnamegeran a Dîcle Firatê (DFG) Dîcle Mufutoglû, Muhammet Îkram Muftuoglû û Hevserokê HDP’a Bazîdê yê berê Abdullah Ekelek jî di nav de bi giştî 6 kes dihatin darizandin. Danişîna biryarê ya dozê li 2’yemîn Dadgeha Cezayê Giran a Agiriyê hat lidarxistin. Orûç ê ji dozek din girtî ye ji Girtîgeha Amedê ya Ewlehiya Bilind bi SEGBÎS’ê û Muftuoglû jî ji Dadgeha Amedê bi SEGBÎS’ê tev li danişînê bûn.&nbsp;

	&nbsp;

	Parêzerên dozê jî di danişînê de amade bûn. Orûç û Muftuoglû xwestin bên beraetkirin.&nbsp;

	&nbsp;

	Piştî parastinan heyeta dadgehê biryara xwe eşkere kir û derbarê Orûç de ji sûcê “endamtiya rêxistinê” biryara beraetê û ji sûcê “propaganda rêxistinê” ji ber dubare bûye red kir da. Dadgehê li Dîcle Muftoglû, Muhammed Îkram Muftoglû, Abdullah Ekelek, Turgay Îlboga û Yucel Îlhan bi îdiaya “piştgiriya sûcdar” li her yekê 6 meh cezayê hefsê birî.&nbsp;

	&nbsp;

	Dadgehê biryar da hukmê cezayê biriye paşê were eşkerekirin.&nbsp;

	&nbsp;

	Wezîrê Karên Navxweyî Suleyman Soylû, dema Azîz Orûç li Bazîdê hatibû binçavkirin, hedef nîşan dabû û wî wek “terorîst” eşkere kiribû.&nbsp;

	&nbsp;

	&nbsp;