
Berxwedana li rojhilatê Kurdistanê û Îranê ket meha 5’emîn  

2023-01-16 14:12:33


	&nbsp;

	NAVENDA NÛÇEYA - Li rojhilatê Kurdistanê û Îranê xwepêşandan ket meha 5’emîn. Gel carek din peyama biryardariya ku dê serî rakirina “Jin jiyan azadî” berdewam bikin da.

	&nbsp;

	Di meha îlona 2022’yan de jina kurd Jîna Emînî li Îranê bi îşkenceyê hatibû qetilkirin. Piştî vê qetlê gelê rojhilatê Kurdistanê û gelên Îranê li seranserî welat dest bi serî rakirinê kiribûn û 5 meh in xwepêşandan berdewam dikin. Tevî zext û qetilkirina xwepêşandanan jî çalakiyan 4 meh li pey xwe hişt û di meha 5’emîn de bi biryardarî dewam dike. Gel li 8 navçeyên Tahranê derketin şaneşînên malên xwe û li dijî rejîma Îranê dirûşm berz kirin. Xelkê Îranê peyama ku dê heta ku bihîjin armanca xwe dê çalakiyên xwe bidomînin da û gotin ew ê li ber xwe bidin. Xwendekarên zanîngehê jî çalakiyên xwe yên protestokirina rejîmê didomînin.&nbsp;

	&nbsp;

	BINÇAVKIRIN DIDOMIN&nbsp;

	&nbsp;

	Li bajar û navçeyên rojhilatê Kurdistanê hêzên rejîmê hewl didin ku çalakvanan bikin binçavan. Navên 50 welatiyên li Ciwanroyê hatibûn binçavkirin eşkere bûn. Hat diyarkirin di serî de li Sine, Seqiz, Dêwlan, Bokan û gelek bajarên din gelek kes hatine binçavkirin.&nbsp;

	&nbsp;