
Li gelek bajaran piştgirî dan TTB’ê: Bijîşk bêdeng nabin

2023-01-10 16:01:25


	NAVENDA NÛÇEYAN - Di daxuyaniyên beriya doza bi daxwaza endamên Konseya Navendî yên TTB’ê ji peywîrê bên girtin hatiye vekirin, hatin kirin de wiha hate gotin: “Bijîşk bêdeng nabin, TTB nikare bê bêdengkirin.”

	&nbsp;

	Danişîna ewil a bi daxwaza endamên Konseya Navendî yên Yekitiya Bijîşkan a Tirk (TTB) ji peywîrê bên girtin hatiye vekirin îro li Enqereyê tê dîtin. Beriya danişînê li gelek bajaran ji bo endamên TTB’ê daxuyaniyên piştgiriyê hatin dayîn.&nbsp;

	&nbsp;

	ÊLIH

	&nbsp;

	Platforma Ked û Demokrasiyê ya Êlihê ji bo piştgiriya endamên TTB’ê li Odeya Bijîşkan a Êlihê daxuyanî da çapemeniyê. Gelek bijîşk tev li daxuyaniyê bûn. Di civîna ku pankarta “Bijîşk bêdeng nabin, TTB nikare bê bêdengkirin” hate vekirin de Serokê Odeya Bijîşkan ê Êlihê Sertaç Adiguzel axivî. Adiguzel, anî ziman ku weke bijîşk wê gotina rastiyan bidomînin.&nbsp;

	&nbsp;

	Sekretera Giştî ya Odeya Bijîşkan Sevcan Dundar jî wiha got: “Palpişta herî mezin a TTB’ê civak e, bijîşk in. TTB xwediyê wê baweriyê ye ku li dijî kampanyayên lîncê û zextan weke duh sibê jî têbikoşe.”

	&nbsp;

	Sekreterê Lijneya Koordînasyona Bajêr ê TMMOB’ê Vahdettîn Tuzun jî bi lêv kir ku desthilat hemû kesên ku ji xwe re dibêjin muxalîf hedef digire.&nbsp;

	&nbsp;

	Serokê Baroyê Erkan Şenses jî bal kişand ser danişîna Şebnem Korûr Fîncanci ku di 29’ê kanûnê de hate lidarxistin û wiha got: “Me li wir bêhiqûqiya li Fîncanci hate kirin dît. Lêpirsîna li dijî TTB’ê hatiye destpêkirin, hewldana darazê ya dîzaynkirina vê saziyê ye. Gotinên Mamoste Şebnemê di çarçoveya azadiya raman de ye.”

	&nbsp;

	Berdevkê Platforma Ked û Demokrasiyê Denîz Topkan jî diyar kir ku desthilatê li dijî rêxistinên sivîl ên civakî êrişeke bi plankirî daye destpêkirin û wiha got: “Êrişa li dijî bijîşkên ku di dema pandemiyê de têkoşîneke mezin dan bi armanca bêdengkirina bijîşkan e. Em ê li dijî vê nêzîkatiyê bêdeng neminin. Me tu caran paşve gav neavêt, em ê neavêjin jî.”

	&nbsp;

	RIHA&nbsp;

	&nbsp;

	Odeya Bijîşkan a Rihayê jî têkildarî dozê li avahiya odeya xwe daxuyanî da. Pêkhateyên Platforma Ked û Demokrasiyê ya Rihayê jî tev li daxuyaniyê bûn. Serokê Odeya Bijîşkan a Rihayê Bûlût Ezer ê di daxuyaniyê de axivî wiha got: “TTB’ê tu caran pişta xwe nedaye tu desthilatan, ev yek qebûl nekiriye û bûye palpişta herî mezin a rexne, zanîst û hişê etîk. Têkoşîna wê demdirêj e.”

	&nbsp;

	EDENE

	&nbsp;

	Odeya Bijîşkan a Edeneyê, DÎSK, KESK, Baroya Edeneyê, Odeya Dermanfiroşan, Odeya Bijîşkên Veterîner, Partiya Kedê û TMMOB'ê li ser mijarê daxuyaniyek dan. Serokê Odeya Bijîşkan a Edeneyê Selahattîn Menteş ê di daxuyaniya li avahiya odeya wan hatiye dayîn de axivî, xwest ku dozên derbarên girtina TTB’ê de hatine vekirin bên girtin.

	&nbsp;

	MÊRSÎN &nbsp;&nbsp;

	&nbsp;

	Odeya Bijîşkan a Mêrsînê li avahiya odeya xwe bertek nîşanî dozê da. Pêkhateyên Hêzên Ked û Demokrasiyê yên Mêrsînê jî tev li daxuyaniyê bûn. Serokê Odeyê Nasir Nesanir ê di daxuyaniyê de axivî wiha got: “Em ê van rojên bi zext û tarî bi hevgirtin û spîbûna pêşmalkên xwe bi ser bixînin. Soza me ya ji bo civak û hekîman e.”

	&nbsp;