
ÎHD’a Amedê ji ber ‘îşkenceya li kolanê’ dê giliyê polîsan bike  

2023-01-03 12:10:37


	&nbsp;

	AMED - Şaxa ÎHD’a Amedê têkildarî îşkencekirina Emre Elaltunterîn li kolanê ji hêla tîmên taybet ve dê li Serdozgeriya Komarê ya Amedê gilî bike.&nbsp;

	&nbsp;

	Polîsên tîmên taybet di 14’ê kanûnê de li Taxa Kaynartepe ya Rezan a Amedê dema kontrola GBT’ê dikirin welatiyê bi navê Emre Elaltunterîn dan sekinandin û dema Elaltunterîn jê re got ji bo nimêje dereng dimîne jî derb kiribûn. Piştre jî Elaltunterîn hate binçavkirin û dadgehê biryara girtinê da.&nbsp;

	&nbsp;

	DÊ GILIYÊ POLÎSAN BIKIN

	&nbsp;

	Elaltunterîn rojek girtî ma û piştre hate berdan. Şaxa Komeleya Mafên Mirovan (ÎHD) a Amedê ji ber bûyera îşkenceyê, dê li Serdozgeriya Komarê ya Amedê giliyê hêzên ewlekariyê bike.&nbsp;

	&nbsp;

	Têkildarî mijarê li ser hesaba medyaya civakî ya Şaxa ÎHD’a Amedê ev peyam hate parvekirin: “Sedema îşkenceya sîstematîk û tundiya ji hêla polîsan ve tê kirin, sepanên zextê û polîtîkaya necezakirinê ya darazê ye. Şaxa me dê têkildarî bûyera îşkenceyê li Serdozgeriya Komarê ya Amedê giliyê hêzên ewlekariyê bike.”&nbsp;

	&nbsp;