
Planên Tirkiyeyê yên li dijî Bakur û Rojhilatê Sûriyeyê  

2023-01-02 14:42:37


	&nbsp;

	ENQERE - Rojnameya Sabahê diyar kir ku AKP dê di çarçoveya plana êrişên li dijî Bakur û Rojhilatê Sûriyeyê de sûîqestên xwe bidomîne û hewl bide binesaziya herêmê hedef bigire.&nbsp;

	&nbsp;

	Dewleta tirk di 19-20’ê mijdarê de li dijî bajarên Bakur û Rojhilatê Sûriyeyê dest bi êrişeke berfireh a hewayî kiribû û ev êriş hêj bênavber didomin. Di encama êrişan de gelek dibistan, nexweşxane, perestgeh, depoyên genim, bîrên avê û binesaziya herêmê hedef hatibû girtin û hatin rûxandin. Piştî êrişên ku bi roja ne didomin, Serokkomarê AKP’î Tayyîp Erdogan gotibû ku dê li dijî herêmê êrişeke bejahî bidin destpêkirin. Nûçegihana Dîplomasî û Parastinê ya Serokkomariyê Betûl Usta têkildarî hevdîtina Rûsya, Sûriye û Tirkiyeyê û plan û armancên êrişên dewleta tirk ên li dijî herêmê ji bo rojnameya Sabahê nivîsand.&nbsp;

	&nbsp;

	DÊ BINESAZÎ BÊ TUNEKIRIN!

	&nbsp;

	Di nûçeyê de tê gotin ku yek ji armancên êrişan, tunekirina binesaziya herêmê ye. Her wiha Usta wiha dibêje; “Ji bo ku çavkaniyên fînsansê yên Rêveberiya Xweser a Bakur û Rojhilatê Sûriyeyê bên kontrolkirin dê tesîsên petrolê û rafînerî bên rûxandin, binesaziya înternetê bê tunekirin, qenalên ragihandinê bên tunekirin, xetên binesaziya ceyranê bên tunekirin, febrîqeyên beton bên tunekirin.”&nbsp;

	&nbsp;

	SUÎQESTÊN BI SÎHA’YAN!

	&nbsp;

	Bi domdarî di nûçeyê de tê gotin ku dê sûîqestên bi rêya Balafirên Bêmirov û Biçek (SÎHA) tên kirin jî bênavber bidomin.&nbsp;

	&nbsp;

	PLANA ‘HERÊMA BIEWLE’

	&nbsp;

	Di berdewamiya nûçeyê de tê gotin ku hedefa ewil a TSK’ê Til Rifet e û dê di projeya “herêma biewle” de biisrar bin. Her wiha tê gotin ku dê giraniyê bidin ser pîşesaziya parastina neteweyî û ji bo vê jî dê ambargoyan rakin.&nbsp;

	&nbsp;