Girtiyê nexweş Gurban di hucreya yek kesî de tê ragirtin 

2022-12-31 14:20:26


	 

	NAVENDA NÛÇEYAN - Girtiyê nexweş rewşa wî her ku diçe giran dibe Emîn Gurban tevî rapora “nikare bi tena serê xwe bimîne” jî di hucreya yek kesî de tê ragirtin.

	 

	Girtiyên nexweş Emîn Gurban ê ku gelek nexweşiyên wî hene û bi tena serê xwe nikare hewcedariyên xwe yên jiyanî pêk bîne, di 16’ê kanûnê de bi kelepçeyan ji Girtîgeha Kocaeliyê ya Jimara 2'yan a Tîpa F'yê sirgûnê Girtîgeha Eregliya Konyayê ya Ewlehiya Bilind kirin. Gurban di hucreya yek kesî de tê ragirtin. 

	 

	Gurban ê ku nêzî 10 sal in li Girtîgeha Kocaeliyê tê ragirtin, di 1’ê kanûnê de ji ber nexweşiyên wî sewqî Nexwşxaneya Dewletê ya Seka ya Kocaeliyê kirin, lê bêyî ku sedema êşên wî tespît bikin dîsa şandin girtîgehê. Piştre Gurban şandin Nexweşxaneya Dewletê ya Konyayê, bijîşkên nexweşxaneyê rapora “nikare di hucreya yek kesî de bimîne” dan, lê tevî vê yekê jî hîna di hucreya yek kesî de tê ragirtin.