
Li Parîsê êrişî Navenda Çanda Kurd hat kirin: 3 kes hatin qetilkirin

2022-12-23 16:04:20


	&nbsp;

	NAVENDA NÛÇEYAN - Li paytexta Fransa Parîsê li dijî Navenda Çanda Kurd a Ahmet Kaya êrişeke çekdarî pêk hat û di êrişê de 3 kes hatin qetilkirin û hin kes jî birîndar in.&nbsp;

	&nbsp;

	Li Navenda Çanda Kurd a Ahmet Kaya ku li taxa Saint Denisê ya Parîsa Fransayê ye êrişek çekdarî pêk hat. Her wiha êrişkar, gule li restorantek kurdan û kûaforek li heman kolanê jî reşandiye.&nbsp;

	&nbsp;

	Li gorî medya Fransayê ku agahiyên xwe dispêre çavkaniyên polîsan, 3 kesan jiyana xwe ji dest dane, 4 kes jî birîndar bûne.&nbsp;

	&nbsp;

	Têkildarî êrişê agahiyên berfireh bi dest neketin. Polîsan der û dora Navnedê girtine û nahêlin kes xwe nêzîk bike. Ji hundirê Navendê jî agahî nayê bidestxistin.

	&nbsp;

	Şahidekî ji Medya Haber TV re axivî û wiha got: "Kesek hate ber komeleyê, gule li kesên li ber komeleyê reşand."&nbsp;

	&nbsp;

	Li gorî AFP'ê, çavkaniyeke polîsan ragihand ku êrişkar hatiye girtin, yekî temenê wî derdora 60 salî ye. Şahidekî jî diyar kir ku 7 heta 8 caran gule li Navendê hatiye reşandin.

	&nbsp;

	Balkêşe ku êriş beriya salvegera 10'emîn a qetilkirina 3 jinên kurd ên şoreşger Sakîne Cansiz, Fîdan Dogan û Leyla Şaylemez ku 9'ê Çileya 2013'an li Parîsê hatibûn qetilkirin, pêk hat.&nbsp;

	&nbsp;

	Şaredarê Parîsê û Cîgirê Yekemîn li ser Twitterê ragihand ku li avahiya şaredariya 10'emîn a paytextê beşa lezgîn a medîko-psîkolojîk hatiye avakirin.

	&nbsp;

	Dozgeriya Parîsê daxuyanî da BFM TV û got: "Têkildarî sûcên tundiyê yên girankirî, kuştina bi zanebûn, lêpirsîn hatiye destpêkirin." Dozgeriyê diyar kir ku kesekî 69 salî hatiye binçavkirin.&nbsp;