
Ji bo azadiya Fîncanci li ber Edliyeya Stenbolê gazî kirin 

2022-12-23 10:40:44


	&nbsp;

	STENBOL - Beriya danişîna doza Seroka TTB’ê Şebnem Korûr Fîncanci hevpîşeyên wê li ber Edliyeya Çaglayana Stenbolê kom bûn û xwestin bê beraetkirin.&nbsp;

	&nbsp;

	Seroka Konseya Navendî ya Yekitiya Tabîbên Tirk (TTB) Prof. Dr. Şebnem Korûr Fîncanci ji ber gotin û nirxandina têkildarî çekên kîmyewî ku Tirkiyeyê li başûrê Kurdistanê li dijî endamên HPG’ê bikar anîbû bi îdiaya “propaganda rêxistinê kirye” hatibû girtin. Îro danişîna ewil a doza Fincnci li Dadgeha Çaglayana Stenbolê tê lidarxistin. Beriya danişînê hevpîşeyên Fîncanci, nûnerên rêxistinên sivîl, siyasetmedar û nûnerên sazî û dezgehên navnetewî li ber edliyeyê kom bûn.&nbsp;

	&nbsp;

	Beriya daxuyaniyê polîsan der û dora edliyeyê dorpêç kirin. Dxuyanî bi pêşengiya rêxistinên tenduristiyê pêk hat û gelek kes û nûnerên saziyan tev li bûn û dirûşmên bo Fîncanci berz kirin û dovîzan hildan.&nbsp;

	&nbsp;

	DÊ DEST JI TÊKOŞÎNA XWE BERNEDIN&nbsp;

	&nbsp;

	Di daxuyaniyê de ewil Serokê Desteya Rêveberiya Yekitiya Odeyên Endezyar û Avahîsazên Tirk (TMMOB) Emîn Korkmaz axivî û destnîşan kir ku ew ê dest ji têkoşînê bernedin û got: “Li dijî her kesî êrişên topyekûn hene. Ji hunermendan bigire heta ser serok şaredaran êriş hene. Em ê bi awayek hevpar têbikoşin û bi ser bikevin. Divê Mucela Yapici û Şebnem Korûr Fîncanci demildest bên berdan.”&nbsp;

	&nbsp;

	‘TAVILÊ BERDIN Û BERAET BIKIN’&nbsp;

	&nbsp;

	Serokê 2’yemîn ê TTB’ê Alî Îhsan Okten jî metna ku hatibû amadekirin xwend. Okten anî ziman ku tu palpiştiya hiqûqî ku Fîncanci pê were girtin nîne û got: “Seroka me bi awayek siyasî û nehiqûqî hatiye girtin. Em hêvîdarin ku ev pêvajo demildest bi dawî bibe. Em wek TTB û odeyên xwe hemû li vir in. Em gazî we dikin û dibêjin Şebnem Korûr Fîncanci tavilê berdin û derbarê wê de biryara beraetê bidin.”&nbsp;

	&nbsp;

	Okten diyar kir ku ew hêvî dikin ku mamosteya xwe Şebnemê bi pêşmalkên xwe spî pêşwazî bikin û ew ê gişt bi hev re li dijî zextan li ber xwe bidin.&nbsp;

	&nbsp;

	Daxuyanî bi berzkirina dirûşma “Mamoste Şebnem rûmeta me ye” bi dawî bû. Paşê girse ji bo danişînê bişopîne derbasî avahiya edliyê bû.&nbsp;

	&nbsp;