
Li Kopê qeyûm hat protestokirin: Şaredariyê di bin deynan de hiştine 

2022-12-17 16:31:41


	&nbsp;

	MÛŞ - Li navçeya Kopê têkildarî tayînkirina salvegera qeyûm daxuyanî hat dayîn û hat destnîşankirin ku zîhniyeta qeyûm şaredariyê di bin deynan de hiştiye.&nbsp;

	&nbsp;

	Li navçeya Kopê ya Mûşê bi boneya salvegera tayînkirina qeyûmê ser Şaredariya Kopê li ber avahiya şaredariyê daxuyanî hat dayîn. Hevşaredarên Kopê Eylem Sarûca û Adnan Topçû û endamên meclisa şaredariyê û rêveberên HDP’ê tev li daxuyaniyê bûn.&nbsp;

	&nbsp;

	Rêveberê HDP’ê Sadrettîn Erkol daxuyanî da û bibîr xist ku ew di hilbijartinê de ji sedî bi rêjeya 55’an bi ser ketine û bi derbeya qeyûm şaredariya wan hatiye dagirkirin. Erkol destnîşan kir ku îktidara AKP-MHP’ê îradeya gel tune dihesibîne û got: “Qeyûm şaredariyê xistiye xizmeta alîgirên xwe. Qeyûm şaredariya gelê me veguherandiye cihê talanê û nelirêtiyê û şaredarî xistine bin deynan. Wê gelê me di hilbijartina ewil de bersiva desteserkirina îradeya xwe bide. Em ê dîsa bi gelê xwe re şaredariya xwe bi rê ve bibin. Têkoşîna me didome.”&nbsp;

	&nbsp;

	Piştî daxuyaniyê girse heta ber avahiya HDP’ê meşiya û dirûşm berz kirin.&nbsp;

	&nbsp;

	&nbsp;

	&nbsp;