
Li Îranê serhildana ‘azadiyê’ di roja 89’emîn de ye

2022-12-14 12:37:50


	&nbsp;

	NAVENDA NÛÇEYAN - Xwepêşandanên li dijî rejîmê yên bi daxwaza “azadiyê” li Rojhilat û Îranê dest pê kirine, di roja 89’emîn de berdewam dikin.

	&nbsp;

	Çalakiyên şermezarkirinê yên piştî qetilkirina Jîna Emînî yên bi dirûşmeya “jin, jiyan, azadî” dest pê kirine, di roja 89’êmîn de berdewam dikin. Li gelek bajaran di pêşengtiya jin û xwendevanan de çalakiyên şermezarkirinê hatin lidarxistin. Sinê, Kamiran û Merîwan bû navenda çalakiyên şermezarkirinê.&nbsp;

	&nbsp;

	Li bajarê Rojhilatê Kurdistanê Şînoyê dayika birayên Ferhad û Ferzad Tehazade bi weşandina peyameke bidîmen ji civaka navneteweyî xwest ku cezayên darvekirinê bidin sekinandin.&nbsp;

	&nbsp;

	PIŞTGIRIYA CÎHANÊ

	&nbsp;

	Li aliyê din li dijî cezayên darvekirinê yên li Îranê duh li Almanya, Swêd, Îtalya, Norveç, Kanada û Avûstralyayê çalakiyên şermezarkirinê hatin lidarxistin.&nbsp;

	&nbsp;

	&nbsp;