
Di êrişa dewleta tirk de sivîlek hate qetilkirin

2022-12-11 12:16:54


	&nbsp;

	NAVENDA NÛÇEYAN - Di encama êrişên dewleta tirk ên li dijî gundên Girê Spî û Eyn Îsayê de welatiyê 61 salî yê bi navê Salih Elî Selame hate qetilkirin.&nbsp;

	&nbsp;

	Dewleta tirk û komên paramîlîter ên girêdayî wê duh gundên Girê Spî û Eyn Îsa yên nêzî eniyên şer bi çekên sivik û giran topbaran kirin. Hat zanîn ku welatiyê bi navê Salih Elî Selame yê 61 salî dema li nava erdê xwe dixebitî, bû hedefa êrişan û hate qetilkirin. Cenazeyê Selame li Goristana Bîr Seran hate veşartin.&nbsp;

	&nbsp;

	Salih Selame ji şêniyên gundê El Hiwêce ye ku 7 kîlometreyan li rojhilatê bajarokê El Hîşe yê Eyn Îsayê ye.&nbsp;

	&nbsp;

	Bi vê yekê re hejmara kesên ji 9’ê cotmeha 2019’an heta niha di êrişên dewleta tirk ên li dijî Girê Spî û Eyn Îsayê de hatine qetilkirin derket 28’an. Her wiha di êrişan de herî kêm 77 welatî jî birîndar bûne.&nbsp;

	&nbsp;